Mamallakta pushak, Rafael Correa, Guayllabamba shulkapi, Quito kitipi llaktayukkunaman willay puncha, COMEX 023-2014 yuyariwan 30 punchakama, kay 4 kutin 4, kipi kachanamanta $42 kullki chaypilla samarichun nishpa willarka, chayka utkashpa chaskita, couriers chaskita kachanakunami samarinka.
Kallari Hatun Kamachik, purik runakunapak llakita rikushpa, tawka kamachiy killkakkunapak mañayta hapishpa, tawka Ecuador llaktamanta, ista llaktakunapi kawsak runakunata llakichinata rikushpa, chay runakuna ama llakirichun kay yuyarita churarka. Ashtawankarin kay 4 kutin 4 kipikuna kachana yanapay, kay Mushukyachikta mashkak kamachikkuna churashkami kan nishpa yuyachirka.
Kay samarikuk pacha, purik runakunapak kipikunata kachana hayñi ashtawan alli kachun mushuk ñankuna mashkana nirka, kay 4 kutin 4, kipikuna kachana hayñita chawchashpa shuklla charik tukuchun, ushutata rurana awana llankaywasikunata yanapana rayku kachay mana alli rikurin nirka.
