Kay Mamallakta llankay ukupi llankayta rikuchinkapa Mamallakta Tantanakuyta pushak, Gabriela Rivadeneira, achka kichkirishka llankayta charirka.
Kallaripika chay llaktapak tawta hatun willana ñankunapak mañashkata chaskirka, tikrachirkapash.
Kipaka 17 de Diciembre chalwa katuna wasiman rirka, chaypimi mushuk Mercado de Mariscos rurana mañayta chaskirka, Mamallakta Tantanakuypak llankana mana kakpipash Gabriela Rivadeneira chaskirkami, kipaman mayhan chay llankayta rurana kakpipash, chay kamaywasimanmi mañayta chayachinka.
Kay Seguridad Alimentaria Minkashka ukupi Chalwana Kamachiy taririn, chay kamachiywan tukuy Mamallaktapak llankaykunata wiñachinka, chalwata hapinkapa, katunkapapash kay kamachiy yanapanka nirka.
Kay Código Monetario y Financiero kamachiytapash rimarkami, chaywan kullkita tarpukkunaman mañachinkapa, shina llankayta hatunyachinkapa yanapanka.
Kipaman, Hospital General de Santo Domingo de los Tsáchilas wasipi willakkunawan tantarirka, Mamallakta Tantanakuy imatalla llankashkata willarka. Manarak Código del Trabajo kamachiypak kallari killkata Mamallakta Tantanakuypi charinchik nishpa willarka, manarak kamachiy hawa rimanakuyta charishpa llaktakunaman willanka, llankak tantaripak pushakkunata kayanka, shinapash paykunaka manarak killkashka kakpi kaparinkapak ña mashikunata kayashka kan.
Llaktayukkunata chani mirarimanata tukuykunata kasiklla atinakuchun mañarka. Shinallatak Mamallakta Tantanakuyta pushak, Gabriela Rivadeneira, Allikawsay Minkashka tantarita pusharka, Código de la Salud kamachiyta killkankapa llaktayukkunapak yuyayta hapinkapami pusharka.
Kay puncha llankayka Hospital General de Santo Domingo de los Tsáchilas hampina wasita rikushpa purirka, kari warmi unkukkunata imashina hampikkuna chaskikta riksishpa purirka, chaypimi Luis Morales yachakpak unanchata churarka, tsáchilas runakunapak pachamamawan kawsaytami kayka rikuchirka.
