Mamallakta Tantanakuy República Bolivariana de Venezuela llaktata yanapankapa yuyarin, Estados Unidos de Norteamérica kamachikkuna llakichikukpi yanapan, kay yuyarika “Ley de Defensa de los Derechos Humanos y la Sociedad Civil de Venezuela 2014” shutita charin, ama ashtawan kullkipi, llaktaypi llakichishpa katichun Ecuador kamachikkuna kaparin, ista llaktapak hayñikunapi hapirishpami Nicolás Maduro pushakta yanapan.
Kanchamanta kamachiy hillaykunawan llakichikuskata harkan, “República Bolivariana de Venezuela llaktaman yaykurishpa kanchamanta llakichikta, llaktakunapak kishpiy kawsayta tiksita llakichikta, kay llaktata kutintak llakichi kallarin, kay suyukunapak llakta ushay hatun kamachikkunapak hatun llakimi kanka”.
Ista hayñikunata paktachichun allpapachipi tiyak hatun Mamallaktakunapi, suyukunapi tiyak hatun tantarikunapash harkachun mañarka, shuk Mamallakta kullkita rikuk kamachiyta, mintalay kamachiyta EU paypak munaymanta churay kallarin.
Kay Mercado Común del Sur -MERCOSUR- pushakkunaman kimirirka, Venezuela llaktata ama wanachichun nirka, shina ukipak runakuna kasilla kawsachun, llakta ushayta charichun nirka.
“Venezuela llaktapak pushakkunata katikachakukpi hatun kamachikkunata yanapan, kullkita, llakta ushayta, tukuykuna akllashka Nicolás Maduro kamachikta wakllichikukpi yanapan, shina rurashpaka suyupi kullkita, kasilla kawsayta urmachinka nirka”.
Chay Naciones Unidas llaktapi tiyak Consejo de Derechos Humanos, Alto Comisionado de Derechos Humanos de las Naciones Unidas kamachikkunaman kay llakita riksichirka, Venezuela llaktata wanachi kallarikpi rikuchin atirka, Estados al Derecho Internacional kamachiyta hapishpa, llaktapak awkita hapishpa, llaktakuna kikinllatak arinishpa kawsayta charichun nirka.
Kay arinishka, María Augusta Calle churashkami karka, ñukanchik Mamallaktapi tiyak República Bolivariana de Venezuela llaktapak ista kamachikpak makipi kay pankata churanka.
jc-kichwa
