Mamallakta Tantanakuypak Pushak, Gabriela Rivadeneira,“ Ecuador Mamallakta Tantanakuy, Dr. Vicente Rocafuerte” shutiwan shuk unanchata kurka, Awkakuna Tantarita awkirka, Ministerio de Defensa Nacional llankashkata chanin, Fuerzas Armadas del Ecuador shutipi rurarka, Agenda Política de la Defensa llankay ukupimi karka, ṕunchanta llankaypi, allpapachapak suyupi yanapashkatami chanirka.
Kay aknaypika ministra Defensa Nacional, María Fernanda Espinosa; Comandante General del Ejército, Carlos Obando; shinallatak Cuerpo de Ingenieros del Ejército, Wilson Navas hatun kamachik, shuktakkunapash karka.
Kay unanchataka Ministerio de Defensa Nacional kurka, awkapak kimsa hatun kamaywasikuna tukurka, paykunami suyupi, istallaktakunapi shuk hatun yanapayta rurarka, kasikayta paktachirka, tuñirishka llaktakunata yanaparka, runakuna takarinakuypipash karka, chayta yanaparka.
Haití llakta awkakuna llankashkata riksirka, chay llaktapi tuñirishpa wakllichishkatami sinchita llankashpa yanaparka, kulla killa 2010 watapimi karka, tukuy allpapachamanta runakunatami kuyuchimurka, yallita llakirishka runakunatami ñapash yanapana urmarka, wasikunata, ñapash mutsurishkakuna allichirichun yanaparka.
Shinallatak Cuerpo de Ingenieros del Ejército awkakunata, kipikunata, mutsurishkakunata pushashpa, runakunawan yanaparka, Haití – Ecuador (MARHEC) llankayta achkata yanaparka.
Mamallakta Tantanakuypak Pushak Gabriela Rivadeneira, awkakuna yanapashkata hawapi churarka, Haití llaktapi yanapashkamanta ashtawan hanaparka.
Shinallatak, Comisión de Educación, Ximena Ponce, Ecuador llaktamanta awkakuna sinchita llankashkata achkata yupaycharka, paykunaka tawka killakunatami chaypi llankamun nirka. Haití llakta wakllirishkatami allichimun nirka.
Ñukanchikpak awkakuna yanapayta paktachimurka nirka, paykunaka: yachana wasita allichirka, larkakunata pichana, shuktakkunatapash yanaparka. Awkakuna runakunata yanapayka, llakirishka llaktakuna tantarichunmi karka, suyuta, kawsayta, ñukanchikpak awkikayta ukllaymi kan nirka.
Kay Defensa Nacional, María Fernanda Espinosa awka Pushak, mushuk Fuerzas Armadas kamaywasipak llabkaymi kan nirka, chayka Mamakamachiypimi tiyan, llaktayukkunatami kaman nirka; ñukanchik awkikayta, Mamallakta tantaritapash rikun nirka.
Awkakuna llaktakunawan tantarishpa llankashpami sinchiyanka; suyupi tantarichun, yanaparichun llankashpami tumpirinka nirka. Shinami awkakunapak llabkayka kan nirka.
Pichka watapika Ecuador llaktapi 600 waranka tupu ñantami rurashka nirka, kay ñankunawanmi llaktakunata tantachin nirka, Perú llaktawan tantachin, Bahía de Caráquez chakatapash rurashka, Santa Rosa antanka tiyarinata rurashka nin.
PV/jc-kichwa
