Mamallakta Tantanakuyta pushak, Gabriela Rivadeneira apukka, Kamachiy Awlli kay wata tukurina chusku killapi llankanapak rikuchik ñanta ñami charin, kayshina llankanapakka Pushakmanta, Minkarishka apukkunamantami rurarina kamachiy killkakunata chayachishka.
Kay shamuk hunkay, minkarishka apukkuna rimanakuyman manarak yaykushpami, Código de Culturas, Código Orgánico de la Salud shinallatka Artesano makiwan rurakta rikuk rurarina kamachiyta riksinkakuna.
Kay rimanakuymanka Mamallakta Tantanakuy ukupi tawka rimanakuykunami kimirinka, kay rimanakuykunataka llaktayukkunawanmin rimanakushpa tantachirkanchik, kay Código del Trabajo rurarina killkata ruranapakka Llankayta rikuk Minkarishka apukkuna, Ministerio de Relaciones Laborales tantanakuymanta llankakkunapashmi yuyayta chayachirkakuna, nirkami.
Kay ruraykunapimi shamuk killakunaka llankashun, kay ruraykunaka 2014 wata kamachiy awlli llankachun churashkami karka nishpami Gabriela Rivadeneira apuk willarka, shinallatak nirkapashmi apukkuna shuk niki rimanakuypi riksishka rurarina kamachiykunapash kay wata puchukankama riksishka kachunmi munakunchik, shinallatak kayshuk rurarina kamachiykunapash Mamallakta Tantanakuypi apukkuna shuk niki rimanakuypi riksichunmi llankakunchik nirkami.
Pakta paktami 100% llankashpa katikunchik, mana Mamallakta Tantanakuy ukupilla, ashtawanpash llaktakunapipashmi llankakunchik kayshinapimi llaktayukkunapash yuyaykunata chayachin, makipurashpa kamachiykunata llankankunkuna, nirkami.
Llankayka sinchimi kan shinallatak pakta sumaychashpami llankakunchik, kayshina llankaywanka Ecuador llakta ayllukuna pakta sumak kawsayta charichunmi mashkakunchik nishpami willachiyta puchukarka.
PV
