Mamallakta Tantanakuyta pushak, Gabriela Rivadeneira apukka, kaya puncha 09h50 sayllapakmi 296 niki apukkuna rimanakuyman kayachirka, kaypimi Sociedad Interamericana de Prensa tantanakuy Ecuador llaktamanta yuyarinakushka killkata riksinka.
Yuyarinakushka killkapika Sociedad Interamericana de Prensa tantanakuy killkashkawan mana pakta kashaktami riksichin, kay yuyarinakuyka Ecuador llakta kikin pakta kawsayta, chikankayta, kikin munaymanta kawsaytami wakllichin, ninmi.
Kay rurarina killkataka Sociedad Interamericana de Prensa tantanakuy 70 niki rimanakuy Santiago de chile llaktapi rimanakushpami tawka mañaykunata riksichirka: “Ecuador llaktata pushak, shinallatak Mamallakta Tantanakuypash Transparencia y Acceso a la Información kamachiy rikuchishkata hapichun, kacharishka rimayta sakichun, shinallatak Willayta rikuk kamachiyta anchuchichun kayachin”; “Ecuador llakta pushakta paypak ushaywan llaktapak llankana wasikuna llankaypi ama kimirichun nishpa mañashka”; Parlamento Andino tantanakuytapash, Willay llaktayukpak nishpa shutichishpaka tukuy suyu llaktakunatami llakiman apanka, nin, shinallatak kayman kimichinmi libertad de expresión de la CIDH shinallatak ONU tantakuymanta rimarikkuna willachishkata”, shuktaktapash;
Kay yuyarinakushka killkapika SIP tantanakuy Ecuador llakta yuyarinakuyta wakllichikun nishpa ancha rimariyta riksichina, ashtawankarin Mamallakta Tantanakuy llankaypi kimirisha nikun ninmi, kayshina llankaykunaka mamakamachiy, Kamachiy Awllipak kamayta rikuchishkata paktashka, llaktayuk akllashka ushaywan llankashkami kan, ninmi.
Shinallaktak SIP tantanakuyman riksichinmi, Ecuador llaktapak, Mamallakta Tantanakuypak kikin llankayta, chikan kawsaytapash sumaychachun, shinallatak Ecuador llakta ayllukunata, América Latina suyu llaktakunata Ista llakta hayñita, llaktakuna kikin kawsatapash kishpichinmi kayachin.
Kay rurarina kamaypika mamakamachiypak 1 niki killkatami rikuchin, Ecuador mamallaktaka mamakamachiy hayñi, kishpirishka, runakunapak, llakta-ushay. Hawaman awkirak, kikinlla, tantachik, kawsaypura kawsak, tawka kawsayyuk, mana iñishpa, kikinyashka Mamallaktami kan, shinallatak 3 niki killkapika Llakta imalla ruranapika llaktami kikin kawsayta sumaychana, ninmi.
Shinallatak, Carta de la Organización de los Estados Americanos tantanakuypak killka, II Kapak, 3 niki killkapika, kay kallariy yuyaytami riksichin; “b) Ista llaktapi kamaypika Llaktapak kikin kawsay, llakta-ushay, kikinmanta yuyayta charina, shinallatak ista llaktawan yuyarinakushka killakta pakta hapina ninmi”; shinallatak, Carta de las Naciones Unidas killkapika llakta-ushayka llaktami ukumanta, kanachamanta yuyarinakuytaka munashpa yuyarina, shinallatak Llaktayukpak Ista hayñita mana wakllichinachu, ninmi.
PV
