Kay 294 niki rimanakuypi, kaya punchaka 09H30 sayllapakmi Mamallakta Tantanakuyman kayachishka Banco del Instituto Ecuatoriano de Seguridad Socia (Biess) kullki wasiman kimirishka llankakuk, samakuk ayllukuna pushakta llankaypi kallarininkapak.
Kay puncha llankanapika Orgánica de la Defensoría del Pueblo rurarina killkatapashmi shuk niki rimanakuypi apukkuna riksinkakuna.
Llankay Kallarichiy
Mamallakta Tantanakuypi apukkunaka Consejo de Participación Ciudadana y Control Social (Cpccs) tantanakuy yuyarinakushka killkatami riksinkakuna, kaypika Comisión Ciudadana de Selección (CCS-BIESS) tantanakuyta pushakkuna tukuy mishanakunaman yaykuk runakunapak willaytami akllarinaman imashina kayachishkamanta, akllashka paktashkatami riksinkakuna, shinallatak Superintendencia de Bancos y Seguros tantanakuy imashinalla chanikuna paktashkatapashmi riksichinka.
Apukkunaka kayshina willaykunata rikushka kipami Valeria Gabriela Robalino Aguirre, kallari pushakshina, shinallatak Terry Christiansen Zevallos, illakpi pushakashinami kunan punllakuna llankakkunapak shutipi yaykunka, shinallatak Luis Efraín Cazar Moncayo, Joaquín Alfredo Chanabá Vega runakkunaka kallaripi pushak, illakpi pushakshinami samakuk runakunapak shutipi yaykunkakuna.
Rurarinamanta
Dora Aguirre Hidalgo apuk pushakushka Participación Ciudadana y Control Social Minkarishkapi killkashkata rikurashpami Orgánica de la Defensoría del Pueblo rurarina kamachiypak killkata apukkuna shuk niki rimanakuyta kallarinka.
Kay rurarina killkata ayllukunaman riksichiynapakka, Ibarra, Tena, Latacunga, Santo Domingo, Esmeraldas, Guayaquil, Quito, Loja, Cuenca llaktakunapi rimanakuyta paktachirka. Shinallatak Karu rikuchiypi rimananakuypi Canadá, Estados Unidos llakta ayllukunawanmi rimanakurka.
Kay rurarina kamachiyka Defensoría del Pueblo tantanakuy imapi llankanatami riksichin, kay tantanakuyka runapa pakta kawsaytami llaktamanta, ayllukunantapash paktachun yanapan, kayshina mañaytaka mamakamachiypak 21, 215 niki killkapimi rimakun.
Ashtawan sinchita llankayka mana pakta kawsayta mushukyachnapak yuyaymi kan, chikanyachishpa kawsayta mushukyachina, achikkuna wakllichiyta anchuchina, kayshinaka Llaktapi hayñiwan, kamaywan kawsaytami paktachichin.
MG/pv
