Pay Gabriela Rivadeneira, Mamallakta Tantanakuyta pushak, Corte Constitucional arinishkata, Mamakamachiy allichina 17 kipi yuyaykunatami hapirka, kayka Mamallakta Tantnakuy mañashkami kan, kayta rikuk kamachikkuna arinishkami kan.
Kunan chaska puncha chishi, Mamakamachiyta Rikukwasita pushak, Patricio Pazmiño, kay Corte Constitucional, Mamallaktapak Mamakmachiypi tiyak 16 yuyaykunata allichinkapa ñanta mashkana nirka, kipaka chay allichina yuyaykunataka Mamallakta Tantanakuymi rikunata charin, chaypillatakmi akllashka kamachikkuna uni watapak akllarina kachun arininka.
“Imatalla mutsurishkata tukuyta paktachishka kipa, chay mañaykuna Mamallakta Tantanakuyman kamachiy rikushka kutintak tikramunka, chaypimi imashina allichirishpa katinata rikunka, shinapash ñukanchik arinishkata kutintak arininchik (…) shinallatak imashina katinatapash arininchik, kay Corte Constitucional” arinishkatapash arininchik, nirka.
Mamakamachiyta allichishka kipami kamachikkuna akllarichun ñanta paskanka, chayka llaktayukkunapak hayñimi kan nirka, chay mutsuymi Mamakamachiyta allichina mushuk yuyayman tankakun.
“Llakta ushayta hillayta ukllankapa achikllami tukuykunaman rimashkanchik, chayka Ecuador llaktapi kawsak llaktakuna, tawka llaktakunashina apuchita churachun, llaktakuna sapan chusku watapi akllashpa katichun, paykunami pushak kamachikkunata akllanka nirka, shinami paykunapak ranti akllashka kamachikkuna rikurinka”, nirka.
Mamakamachiyta allichishpaka “punkuta paskanatami mañakunchik, Mamallaktapak llakta ushayta sinchiyachinka, tukuy akllarinata munakkuna shutikunata killkachishpa akllarichun ”. Kay mañaywanka kay Mamallaktapi mushuyay mirarishka katichun ashtawan mashkanchik nirka, chaywan achka Ecuador llaktapi kawsak runakuna ama paya kawsayman tikrachun munanchik.
“Kay nikikunata allichina, llaktakuna akllashpa katichunmi kanka, llaktakuna kishpiyrishka, paypak kamachikkunata sapan chusku watapi akllashpa katichun”, shinami mirachishpa rimarka.
Allichina hawa, Rivadeneira kay yuyayka Mamakamachiypillatakmi tiyakun nirka. “ Mamakamachiy Rikukwasi imashina kachakta shuyakunchik, ña kay Mamallata Tantanakuyman chayamukpika Consejo de Administración Legislativa kamachikkunami imashina kakta riksinka nirka, chayamukpika chayñanmi shuk minkashka runakunata churanka, chaymanmi tawka llakta ushay tantariman kimirishka kamachiy killkakkuna tantarinka, paykunami Mamallakta Tantanakuy tukun nirka, paykunami tukuy churashka willaykunata rikunka”, nishpa rimayta tukuchirka.
Ñukanchikpak yuyayka sasi killa tukurinkakama ña kallari willay, chaywan kallari atinakuy kachun, shina Mamakamachiypi mañashka chunka ishkay killa paktachun, shillatak chunka kimsa killapi, tukuri atinakuy kachun.
“kutintak mirana allimi, kuyashka llaktayukkuna, kay tukuy pachami Mamallata Tantanakuy katinka, achkata yuyarinkapash, Mamallakta Tantanakuy ukupilla llankayka mana kankachu. Kunan watapi imashina llankashkanchik shinami llankashun, imashina kamachiyta llaktakunawan killkashpa llankanchik shinami kanka. Tukuy Mamallaktapimi riksichishka kanka: sapan llaktapi, sapan kari warnmi llaktayukkunami chaypi kanka, allichina nikikuntami riksinka, chaypimi tukuykuna kanka, kay rikuykunawanmi Mamakamachiyta mushukyachina shuk yuyaytalla hapinka, shina kamachikkuna llankanata mushukyachinka”, shinami rikuchirka.
Mamakamachiy allichina hawa Mamallakta Tantanakuyta pushak rimashk.
JS/CV/jc-kichwa
