Mamallakta Tantanakuyta pushak, Gabriela Rivadeneira, Conocimiento y Talento Humano hatun kamachik, Guillaume Long, Mamallakta Tantanakuy kipapushak Marcela Aguiñaga, Guayas markata pushak, Rolando Panchana yanapashka kunan chishi Universidad de las Artes (Uniartes) yachakukkunawan Guayaquil llaktapi tantarirka, chaypi riksichirka.
Kamachikkunata, yachakukkunata yupaychashka kipa Mamallakta Tantanakuyta pushak Gabriela Rivadeneira, yallik wata chusku mushuk Awki Sumak Yachanawasikuna wiñarishkata yuyachirka. Chayka: Yachay, amawta taripay rurana hatunwasi, sumakruray minkashka kan; Ikiam yachanawasika Antisuyu yachayta pushanka; Universidad de la Educación yachanawasi mushuk yachachikkunata surkunka, Uniartes yachanawasi, kapchita pushanka.
“Yachay, amawta, kapchi tukuykunapak kachun, tukuypak patakuna alli kachun, Ecuador llaktapi kawsak runakunaman alli kachun, kay Revolución Ciudadana tukuy llaktakunaman chayachun, yachay hawa yachana ashtawan tiksimi kan”, nirka.
Rivadeneira pushakka runakuna kishpiyrinkapa katikuykunaka kapchiyta, kawsaytarpuyta wiñachinami mutsurin nirka. Shinallatak Latin Apya-yalapika, kapchipi, tawka kawsaytarpuypi tiksirishkami kan nishpami tantaripi kak runakunaman yuyachirka. “Chaypimi: yana runakuna, runa llaktakunawan, mishu kawsaykunawan chakrurishka kan, kayka kullki llakita, llaktaytami charin nishpa”, rikuchirka.
“Kay América Latina llaktakunapi kikinkay rikurichun hawallami kan nirka. Kullkiyukkunapak munaymi kan, mana mushukyayta munakkunapak munaymi kan, paykunami Apyayala mushukyachun mana munarkachu, chaymantami llaki kawsayta, washaman churashpa kapchiwan kawsay sinchiyayka mana tiyankachu”, nishpa rimarka.
Shinami, paymanta Guilleme Long hatun kamchik hatun yachaypi kullkita churayka Hatun Kamachiy kullkita churashkami kan nirka, ashtawankarin Ecuador llaktapak kapuk sapita, kawsaytarpuy sapita mushukyachina kan nirka. “Kay pachapi alli pawayta, hatun yachaykunapi mushukyayta kukunchik ” nishpa rikuchirka.
Kay Guayas markata pushak, Rolando Panchana, Ecuador llaktapak tukuy llaktakunamanta shamuk yachakukkuna kaypi kakta rikushpa Universidad de las Artes yachanawasi, marka pushakpak kuchupilla tiyakun nirka.
Kapchita yachakukkuna Mamallakta Tantanakuyta Pushakta tapunkapa chawcharka, kapchipi yachashkata willachun, kawsaytarpuyta sinchiyachinkapa Mamallakta Tantanakuy llankakukta tapurka.
“ Mana kawsaytarpuy kamachiylla tiyachun nirka, Código de Cultura y Patrimonio kamachiy kachun nirka, chayka may sumakmi kanka, nishpa” yapa rimarka.
Gabriela Rivadeneira, Mamallakta Tantanakuyman apankapa ñami shuk kamachiy tiyan nirka, shinami Mamallakta yanapak takikkunata, taripakkunata kushiyachishun nirka “Tawkakutin kawsaytarpuy llaktay illashkamantami shina nirka, ñukanchikpak achka takikkunami wakchayashpa wañun, chayka Ecuador Mamallaktapak makipimi kana kan”, nishpa rimarka.
JS/CV/jc-kichwa
