Mamallakta Tantanakuy 91 apuchiwan, 24 mana nishkawan, shuk yurakwan, shuk harkariwan Sociedad Interamericana de Prensa (SIP) churashka yuyarita mana arinirka, kay yuyarika Ecuador Mamallakta chikan kay awkikayta pakikmi karka .
Kay ukupi, Sociedad Interamericana de Prensa llapikukpi Mamallakta Tantanakuy kaparirka, istallaktakunapi chukpaklla llankak karka, chaymanta Ecuador llaktapi arinichinata mana usharka, ashtawanakarin Mamallakta Tantanakuy arininapi satirinata munarka, Ecuador llaktapak Mamakamachiyta pakishpa munarka, shinallatak Ecuador Orgánica de la Función Legislativa kamachiytapash pakisha nirka.
Kari warmi Ecuador llaktapi kawsak runakunata kayan, América Latina llaktakunapi kawsak runakunata, Derecho Internacional tiksikunata llakichikukpi, Mamallaktakunapak awkikunata, kikinllatak arininata pakikukta mana sakinachu kan.
Latín Apya-yalapak, Caribe llaktapak kamachiy killkakkunata, paypura kamashpa rikuna kachun mañarka, shina kari warmi llaktayukkunapak hayñikunata mitsana nirka, tawka Mamallaktakuna llaktay katikuy tiyakpi mana llulla willaykunata chaskinkapa nirka. Kay puncha mananishkata Parlamento Latinoamericano, Parlamento Andino y al Parlamento Europeo tantarikunaman willanka.
Yuyarinami kanchik, kay Sociedad Interamericana de Prensa (SIP) tantari, 70 Hatun Tantaripi, Santiago de Chile Mamallaktapi, Ecuador llaktapak Hatun Kamachikka hatun llaki rikurishkata rikuchirka, kay Transparencia y Libre Acceso a la Información purichun Mamallakta Tantanakuyman rikuchirka, kishpiyrishka rimachun sumaychaytapash rikuchirka, Orgánica de Comunicación kamachiyta pichachun mañarka, “ kay arinishka shuktak llaktapi mana satirichun kallarita, Mamallaktakuna chikan chikan kachun churan, llaktakuna paykunallatak arinichun mana sakin, Mamallaktapak kikin llankay ukupi arinichun llakichin”
Mamakamachiypak18 nikita, 1 yupayta hapishpami, Ecuador Mamallaktaka yuyarishka arinishka karka, chayka shinami rikuchin, tukuy runakuna paylla, tantarishpapash kay hayñikunatami charin “1:- rikurishka, alli, akllashka, chaypacha llukshishka, alli wallpashka, tukuypak, huchata rurashkata mana washaman sakik willayta mashkana, rakinakuna, mirachina, willaykachana kan; shinallatak tukuypak kanka, kipaman llakita charinatapash rikuchin.
Shinallatak 7 puncha, aymuray killa, 2011 watapi tapuy tiyashkata riksirka, Ecuador llaktapi kawsak runakuna willay hawa, kayta allichina hawa hatun tapuypi arinirka, hatun kullkiyukkuna ama satirichun nirka, hatun llaktaykuna willaypi ama satirichun arinirka, willana hillaykuna kachashka willaykunata allichinatapash arinirkami.
JLVN/pv/jc-kichwa
