Mamallakta Tantanakuyka tukuy kamachiykuna ruraywanmi wawakunata yanapanapak llakta pushak llankaypi makipuranapak llankakun, kashnami Mamallakta Tantanakuyta pushak Gabriela Rivadeneira apukka, “Wawakuna wiñarinamanta Llaktapi rimanakuy” Coliseo General Rumiñahui wasi ukupi willachirka.
Kay hatun wasi uku tiyarinakunapi hunta kari warmi yachachikkuna tukuy markakunamanta chayakkunapak ñawpakpimi Gabriela Rivadeneira apukka, Mamallakta Tantanakuy imapilla llankakushkata riksichirka, nirkami “kay Código de Ciclo de Vida kamachiyka runakuna wacharishkamanta yuyakyaykama rikunapakmi kan” kay killkatami rimanakushpa, ayllukunaman riksichishpa llankakunchik nirkami.
Kay mañaywanka, nirkami, Ecuador Mamallaktami runakunata wawamanta, yuyakyankama yanapayta chayachinak kan nirkami.
Mamallakta Tantanakuyta pushakka nirkami, Ecuador llaktaka Ministerio Coordinador de Desarrollo Social, el Ministerio de Inclusión Económica y Social (MIES) shinallatak Ministerio de Salud tantanakykunawan pakta llankakunchik nishpami willachirka, kay tantanakuykunami warmi kari 0 – 3 watakama wawakunata, ashtawankarin waklliripi kawsakkuk ayllukunata pakta pakta yanapakun nirkami.
Shinallatak, Kay Centros Infantiles del Buen Vivir (CIBV) yanapak wasi, shinallatak “Creciendo con Nuestros Hijos” (CNH) wasikunapika wawakunami pakta yanapayta chaskin, kaykunapi: mikunatakunata, wawakunapak rakishka yachaytapash chaskishpa.
“Kay Centros de Desarrollo del Buen Vivir shinallatak Wawakunata Rikuna Wasikunapi Kari warmi Yachachina wasi pushakkuna, llankakkunalla mana kushilla kanchu, ashtawanpash wasin wasinmi rikunaman rinkuna, shinami wawakuna imashinalla kawsakushkata riksinkakuna. Kayshinami Ecuador llaktapak may kuyay kawsay wiñarikun” nirkami.
Kay hatun rimanakuypika, Ministra Coordinadora de Desarrollo Social, Cecilia Vaca Jones y la Ministra de Inclusión Económica y Social (MIES), Betty Tola pushakkunapashmi llaktapi llankak wasikuna pakta llankashkata riksichirka. Kay rimanakuyman Ministra de Salud, Carina Vance shinallatak Patricia Sarzosa, viceministra de Inclusión Social, Ciclo de Vida y Familia pushakkunapashmi chayamurka.
Kay “Wawakuna llaktapi wiñarinata Rimanakuyka” wawakunata yaya mamakuna rikurayanamanta, wawakuna pakta mikuna charinamanta, wawapirak munachiynamanta, alli kawsay charinamanta rimanakunapak imashinalla yuyaypaktarinapakmi kayachirkakuna.
Kay Tantanakuyka Coliseo General Rumuinahui hatun wasi ukupimi paltarirka, kallaripika shuk takikkunami chayarkakuna, kaypipash wawakunata ashichinapak pukllaykunapashmi tiyarka, shinallatak tawka yuyarinapi llankay kushichuypashmi chaypi karka, kay yuyarinakuypika imashina mana alli mikuy aychata wakllichishkamanta rimanakuymi paktarka.
JS/CV
