Mamallakta Tantanakuyta pushak, Gabriela Rivadeneira apuk, Pedro Moncayo kiti Gobierno Autónomo Descentralizado (GAD) pushak, Frank Gualsaquí runawanmi kay chaska puncha llankaypika, wasikunapura yanaparinapak killkata shuti aspirkakuna, kay makipurashpa llankaypika Mamallakta Tantanakuymi anta nikichikwan llankaypi yanapanka.
Kay yuyarinakushka killkataka Pedro Moncayo kiti wiñarishka 103 wata paktashkamanta Coliseo 2000 wasi, Tabacundo kiti raymipimi shuti aspirkakuna, kay raymimanka llakta pushakkuna, kayachishka apukkunapashmi chayamurkakuna.
Mamallakta Tantanakuyta pushak rimashpaka, Ecuador llakta ayllukunapura yanaparishpami llankana mutsurin, nirkami. “Kay killkapi yuyarinakushkanchik, llaktapi llanka wasikuna makipurashpa llankana yallimi kan, kari warmi runakunapak yuyaymi tantarin. Kaypika Kiti pushakkuna, kiti pushaypi rimarikkunami kayshina makipurashpa llankaywanka llaktayukta pakta yanapanka”, nirkami.
Pushak apukka, Ecuador Mamallakta Tantanakuyka Latinoamericana, Caribe suyu llaktakunamanta rikukpika, kaypimi anta nikichikpi llankayta ashtawan mirachishka rikurin, nirkami.
“Kay suyu llaktakunapurapi rikukpika ishkay niki llaktami kanchik, kay antanikichikpi apushitayta charik. Llaktayukwan llankak tukuy wasikuna, kay GADS pushanakunapash kay kiti llankaypi ashtawan mushukyay tiyashka allichari kanman” nirkami.
Nirkapashmi, shinallatak, Pedro Moncayo kiti pushak antanikichikkuna rantinapak, kayshina pachamanata yanapanapak llankakuy allimi kan, shinami ña mana pankakunapi killkashun, nirkami. “Kay kiti, Pedro Moncayo llaktayukkunapak kachunmi tukuy nuñanchik yanapayta rikuchinchik”, nirkami. Mamallakta Tantanakuyta pushak kay kiti wiñarishka 103 wata paktashkatapash munaywanmi naparka.
Mamallakta Tantanakuyta pushak, Gabriela Rivadeneira apukka runa ayllukunata, ayllukuna tantanakuy pushakkunapash kay mamallakta kawsaywan pakta Allpata rikuk kamachiy ruraypi tantarishkamanta napayta chayachirka. “Kaymi ñukanchi Mamallaktapak munayka: tawkapurami kawsanchik, ñawpakman rinapakka tawkapura kawsaymi chikan chikan yuyaykunata chayachin, nirkami.
Pedro Moncayo kiti pushak, Frank Gualsaquí runaka Mamallakta Tantanakuy pushakta kay kiti pushay llankaypi anatanichikpi yanapanapak makipuray kallarishkamanta yupaycharkami. Kayshina yuyarinakuyka Pedro Moncayo kiti wiñarishka 103 watakuna paktashka ukupimi yuyaypaktarirka.
JS/CV
