Mamallakta Tantanakuypak José Mejía Lequerica ukupi, II kutin Seminario Internacional de Derecho Parlamentario, Ciencia Política y Técnica Legislativa, yachay katikun, chay yachaytaka Italia, Argentina, Colombia, Ecuador llaktakunamanta yachakkunami yachachin.
Kay Ecuador llaktamanta Mamallakta Tantanakuy, kay Unidad de Técnica Legislativa tantariwan, Universidad Central del Ecuador, Ágora Democrática (IDEA-NIMD) yanapashka pushakun, shinallatak kay Derecho Parlamentario y Ciencia Política yachaykunata pushana nishpa rimankuna, alli kamachiykunata, uchilla kamachiykunata katina ninkuna.
Kay Parlamentario y Ciencia Política karma ukupi, kay yachaypika Derecho y política,Claudia Storini yachachin; Asambleas constituyentes, cambio político y modelos de desarrollo, chimpapura mushuk yuyay kakta, Henry Allán Alegría yachachin; mushuk llakta ushaypi Mamallakta llankayta, Julio Verdugo Silva yachachin; mushuk Mamallaktapi ushaykunapura: Kamachiywan llankaywan, Utkachik uchilla kamachiy ruraywan, Richard Ortiz Ortiz yachachin;
Kamachiy sumakrurayta, Mamallakta llankayta, imashinatak Mamakamachiy katikuyta, kamachiykuna paktayta, Floralba Padrón Pardo rikuchin; shinallatak Mamallakta sumak ruraywan llankayta Alejandra Stevaz yachachin; Mamallakta Tantanakuy killkakayta Libia Rivas rikuchin, imashina Mamakamachiyta chapana hawa yachachinka; shinallatak Mónica Rodríguez, Coordinadora de la Unidad de Técnica Legislativa, Ecuador llaktapak Mamallakta Tantanakuy sumak rurayta rimanka, Dalia María Noboa kamachiyta killkankapa shimipak uchilla kamachiy hawa rikuchinka.
Kay yachayka amawta yachaykuna tiyachun mana harkanchu, punchanta llankaymanta surkushka yuyaykunawan kamachiykuna alli killkarichun, paypak llankaypi alli llankachunmi ashtawan yanapan, kay llankaytaka Mamallakta Tantanakuypi kari warmi llankakkunami pushanata charin.
PV/jc-kichwa
