Kay “Yarikayta chimpapuranapakka: runakuna wirayaymanta, rurashka mikunakunapi shutichiyta churanamanta” rimanakurka, Frente Parlamentario Ecuador sin Hambre tantariy, María Augusta Calle apuk pushakushka apukkunaka Llaktapi mikuna unanchay Punchata yuyarirkakuna. Kay tantanakuymanka 500 yalli ayllukunami chayamurka, kaypika llaktapak, shukllapak yachana wasimanta wamrakuna, 47 ayllu tantanakuykunamanta runakunami chayamurkakuna.
Mamallakta Tantanakuypak kishpirina José Mejía Lequerica shuti Wasi ukupimi, markakunamanta yachakuk wamrakunata, tantanakuyta pushakkuna, llakta ayllukunata, runa llaktayuk ayllukunatapash chaskirka, paykunaka Ecuador llaktapi yarikayta harkanapak llankay imashina paktakushkatami rimanakurkakuna.
Mamallakta Tantanakuyta pushak, Gabriela Rivadeneira apuk, rimanakuy kallarichiypika nirkami; runakuna wirayayman, llashak tukunamanka mana alli mikushpa, mapa mikunata mikushpami chayanchik nirkami, kayshina llakika aylluta, wasipi kawsakkunatapashmi llakichik, kayshinamantami diabetes, shunku yawar unkuypash hapin nirkami, chaymantami aychata kuyurichina mutsurin nirkapashmi.
Llakta pushakmanta kayshina harkaykunata churashka kashpapash, mutsurinmi mintalana rurashka mikunakunapi mashna mishki, wira, kachi charishkata riksichina, kayshinami runapak kawsayta kullkipak hawaman churashun nirkami. “Ruraykuna, mintalaykunapash runa kawsaytami yanapana kan, mana kullkitaka kallaripi churanachu kan” nirkami.
Kay rimanakuypi riksina yuyaykunata achikyachiy alliman chayachun munashkatami chayachirka, shinallatak Mamallakta Tantanakuyta pushakka, alli chuya mikunata charinapak llankashpa katinami kanchik kayshinallami mikuna unanchayta, sumak kawsaytapash tukuy Ecuador llaktapi paktashun, nirkami.
Shinallatak, María Augusta Calle apuk, Frente Parlamentario Ecuador sin Hambre tantaripak shutipi nirkami, ñawpa llaktapak apuk, kunanpi parlamentario andino, Pedro de la Cruz runa kayshina llankaywan yarikayta chimpapuranapak kayachiyka may allimi rikurin. “Kay mañayta hapirkanchik, paktaykunaman chayakunchikmi” nirkami.
En este acto se rindió homenaje a Carlos Ramos, un dirigente que ofrendó su vida por alcanzar la soberanía alimentaria. En la placa entregada a sus allegados reza: Los que mueren por la vida no pueden llamarse muertos; a partir de este momento está prohibido llorarlos”.
Shinallatak kay rimanakuypika Carlos Ramos runa, mikuna sumaychanapak llankakushpa wañushkata yuyarirkakunami. Shuk killka willachiy chayachishkapika kaytami nin: Kawsaymanta wañukkunaka mana wañunchu; kay sayllamanta mana wakana kanchikchu” nirkami.
Puchukaypika, tukuy kayman chayamuk ayllukuna pampamesa mikuyman chayarkakuna, mikunataka llakta ayllukunami apamurkakuna.
EG/pv
