Mamallakta Tantanakuyta pushak Gabriela Rivadeneira, Soberanía y Relaciones Internacionales Minkashkata Kipapushak, María Augusta Calle kamachiy killkantin, Simón Bolívar wakapi kunan tutamanta sisa kamarita churarka, chaytaka 203 wataVenezuela kishpiyrishka punchata yuyarishpami churarka.
Kaymanka UNASUR, ALBA kamachikkuna, Venezuela llaktata yanapak Bolivariano de Solidaridad tantaripash shamurka, Pichincha markapak Hatun Kamachikkuna, Loja llaktamanta markapushak, Cámara de Comercio Ecuador – Venezuela kamachikkuna kaypi karka. Shinallatak diplomático tantarimanta, agregados militares, del Consejo de Participación Ciudadana y Control Social kamaywasimanta kaypi karka.
Tukuypi Kishpiyri
Venezuela llaktamanta istakamachik María Lourdes Urbaneja, kay Ecuador llaktapi llankak, Francisco de Miranda kamachikpak yuyashkata yuyarirka, paymi Apya-yala kishpiyrina yuyayta wiñachirka nin: “Mana tukuy kishpiyrishpaka mana sinchi llakta wallparinkachu. Ñukanchik ña Mamallaktata charinchik, kishpiyrishka runakunata charinchik, ña tukuy llakikuna anchurishkata, llakikuna ña anchurikuntapash mana yuyanachu kanchik. Kaykunataka tukuy llakta kishpiyrichun mana llankakpika, shuktak hatun llaktakunami llapinata kallarinka”.
Kay patsak watapak kallarik chunka watapika Río Bravo llaktamanta, Patagonia llaktakama kishpiychik, llaktayta mushukyachik wayrami purin, kay hatun Mamallaktapi 200 wata washa ñakarishpa kishpiyrina yuyay muyurka, chaytami kawsachimun. Ñukanchikpak kishpiychik pushakkuna ishkay patsak wata tarpushkata runakuna hamutarishpa rikcharimun. Chay yuyaykunaka: paktakay, paktapakta, tantarishka kawsana yuyaymi kan. Kunanmi chay yuyaykunawan llankakunchik hatun kamachik rimarka.
Kunan runakunami chay ishaky patsak watapi Mamallaktamanta llankakkuna kallarishpa, mana tukuchishkata kunan ñukanchik tukuchina kashkata hamutarka; chayrak achka llankay sirikta hamutarka. Kay XXI watapimi Francisco de Miranda rimashkata, yuyashkata tukuyta kishpiychinkapa ñakarina alli hamutarikun, nishpa tukuchirka.
MG/pv/jc-kichwa
