Mamallakta Tantanakuyta pushak, Gabriela Rivadeneira apukka paypak llankana ukupimi, María José Carrillo warmi, Consejo Consultivo de la Niñez y Adolescencia tantanakuyta pushak; shinallatak Francisco Carrión, Consejo para la Igualdad Intergeneracional tantanakuypak killkakamayuk, paykunaka Mamallakta Tantanakuymanta tukuy wakllirinalla llaktayukkunata yanapay katichunmi, mañarka.
María José Carrillo warmika, Mamallakta Tantanakuyta pushak chaskikpika, tukuy llakta wawakunapak wamrakunapak alli kawsaymanta rimarinami sinchiyakun, nirkami.
Shinallatak, Francisco Carrión runaka, kay Consejos de Igualdad tantanakuy llankayta pakta kallarichunmi shuyakuni, kaypimi intergeneracional ayllukuna pakta kawsay charinapak yanaparinka nirka. Shinallatak Mamallakta Tantanakuyta pushakka, ñukanchik llankakushkata riksichun shinallatak kamachiykuna rurarikushkatapash riksichichun willachikunchik, nirkami.
Shinallatak, Gabriela Rivadeneira apuk, Mamallakta Tantanakuyta pushakka, kamachiykuna paktarishkawan wawakunapak wamrakunapak kawsayta yanapana yuyaywanmi llankakunchik; Chaymantami llakta mushukyaypi pakta purinata yuyashpami Código de la Niñez y Adolescencia kamachiy mushukyachinapi llankakushkanchik. Kayshina llankaypimi shuktak mañaykunapash rikurirka, chaymantami kay Consejos de Igualdad tantanakuyka wiñachina, kayshina mañaykunata kutichishpami llaktayukkuna pakta kawsayta makipurashpa kawsayta charinapak yanapakunchik, nirkami.
“Wawakunapak, wamrakunapak kawsaytaka yuyakkunapak kawsaytashina mana rikunachu kan, paykunapak kawsayka chinkanmi, mamakamachiypi kamayka tukuy yuyarinakuypi chaypikanatami riksichin, kayshina paktashpaka mana llaktayukmanta, tantanakuykunamanta, warmikunamantapash ushay chayashkalla kankachu, ashtawanpash wawakunamantapash ushay chayashkami kan”, nirkami.
Mamallakta Tantanakuyta pushakka, mushuk llakta llankaytaka wawakumanta, wamrakunanta shamushkatami riksikunchik. Kunanmanta 15, 20 watakuna kipami llakta mushukyashkata rikuy kallarishun, chaymantami yachaypi, hampinapi, llaktakuna kawsaypipash llakta mushukyashkata riksiy kallarishkanchik. “Chaymantami Consejos Consultivos y el Consejo Nacional de Niñez tantanakuykuna imashina llankana yuyayta rimanakuna mutsurin, nirkami
Gabriela Rivadeneira apukka, Mamallakta Tantanakuypak tukuy llaktayukkuna yuyaykunata sakichun, kamachiy mutsushkata mañachun punkuka pashkashkami nirka. “Kayshina kayachiyka, unanchayllamanta ashtawan yallimi kan, kaypi llankakkunaka ashalla pachapakmi kanchik, shinapash ñukanchik llankashkami kaypi sakirinka, kunanka Mamallakta Tantanakuypi punku pashkashkami llankakunchik” nirkami.
