Mamallakta Tantanakuyta pushak, Gabriela Rivadeneira apukka, kunan chishimi Orgánica de Bienestar Animal (LOBA) kamachiy ruranapak killkata chaskirka, kaywanka llaktapi wiwakunata llakichiytami harkanka.
Wiwakunata rikuk, yanapak tantanakuypi kimirishka ayllukunami, Mamallakta Tantanakuy José Mejía Lequerica wasi uku hunta chayamurka, paykunapak ñawpakpimi pushak apukka, Mamallakta Tantanakuyka punkukuna Ecuador ayllukuna kamachiyta ruranapak yuyaykunata killkatapash chayachichun paskashkami shuyakun, nirkami.
“Kayshinami ñukanchikka llankayman chayamushka punchamanta Mamallakta Tantanakuypi punkuka paskashka kan, ña mana ñawpa pushakkunapi shinachu, chaypimi kamachiykunataka charikkunallami rurashpa llaktayukman riksichik karka” nirkami.
Kay LOBA kamachiy rurana killkamanta rimashpaka, Rivadeneira apukka, wiwakuna llakichiyta ashayachishun, shinallatak pakta alli kawsay karanata sinchiyachinatami mashkakun, chaypakka ayllukuna paykunapak kawsaypimi yuyayta mushukyachina kan, kayshina munaytaka yachana wasikunamantami riksichiy kallarinka, nirkami.
“Wiwakunata alli charinapak kawsay wiñachiyka punchanta llankaypimi sinchiyachina mutusurin, shinallatak wiwakunata llakichikkunaman sinchi wanachiytami chayachina kan”, nirkami.
LOBA kamachiyka wiwakunata maypimintalanata, wiwakunata pukllachishpa rikuchinata, wiwakunata imashina mintalanatami kamachiyka pakta rikunka. Shinallatak wiwata charik ayllukuna imashina charinatapashmi rikuchinka.
Kamachiy Awllita pushak kay rurarina kamachiypak killkata chaskishka kipaka Consejo de Administración la Legislatura (CAL) tantarimanmi yaykunka, chay kipami Biodiversidad Minkarishkaman chayankayallin, nirkami.
Mamallakta Tantanakuyta kipa pushak, Marcela Aguiñaga apukpash rimarka, LOBA kamachiy rurarina killkataka Soledad Buendía apukmi pushakuk, shinalaltak Lorena Beglogio, de Protección Animal, e Inti Alvarado tantanakuymanta ayllukunapashmi rimarkakuna.
JS
