Mamallakta Tantanakuyta pushak, Gabriela Rivadeneira apuk, Plaza de Héroes, Carolina samana pampapi yawarta karanapak wasichishkaman chayarka. Kay kuskapika: 4 niki kutin Ista llaktapi yawar karanapak kayachishkamanmi chayarka, kayshina kayanakuyka tawka ista llaktapimi ayllukunapak kawsayta kishpichina munaywan paktakun.
Mamallakta Tantanakuyta pushakka tawka llankakkunawanmi chayarka, paykunaka kayshina karanakuy allimi kan nirkami. Karashka kipa Rivadeneira warmika Ecuador llaktapi tukuy ayllukunapash karanaman chayachunmi kayachirka.
“Ñukanchikpak yawarta karana ancha mutsurishkata yachashpami kayman chayashkanchik, kayshinami ayllupak kawsayta kishpichiy ushanchik”, nirkami
Istallaktakunapi kayashkata pushak, Franklin Guerra runaka, Mamallakta Tantanakuy kayshina yanapayman kimirishkata yupaycharka, shinallatak Ecuador llaktapi yawarta karanaman kayachikunchikmi, nirkami.
JS/CV
4 niki kutin Ista llaktapi yawar karanapak kayachiytaka Cruz Roja Internacional shinallatak Embajada Mundial de Activistas por la Paz tantanakuy wasikunami pushakun, chaypakka “Yawarpimi kawsayka” nishka shuti kayachiytami churashka. Kayshina kayachiymanka Ecuador llaktapi Chapakkunapashmi kimirishka
Kayshina kayachiyka watan watanmi mamallaktakunapi yawarta tantashpa ayllukunapak kawsayta kishpichina yuyaywan purin.
JS/CV
