Marcia Arregui kamachiy killkak Mamallakta Tantanakuy Pushakta Quevedo llaktapi hawayachin. Shinami kamachiyta killkana ukupilla mana rurashkata rikuchin, akllakkunawan, Ecuador llaktapi kawsak runakunawan tantarishpami kamachiy ruraytami kay kamaypika kamachiy killkay llankayta rikuchin.
Mamallakta Tantanakuymanta tawka kamachiykunata rurashpa llankanchik, ashalla puncha washapi Recursos Hídricos, Usos y Aprovechamiento del Agua kamachiyta arinirka, kay kamachiyta 2010 watamanta allichirishpa shamurka. Mamakamachiyta, kamachiyta, markakunapi tapushkata paktachishpa arinirka, Mamallaktapak alli kachun, ashtawankarin pukuchikkunaman alli kachun arinirka.
Kay kamachiyka tukuymi Mamallaktapak alli kan, yaku shukpak makipi kachun, shukpaklla kachunmi harkan. Mamallaktami rikunata charin, tukuy Ecuador llaktapi kawsakkunaman paktapakta rakichunmi riman.
Kay Código Monetario kamachiymanta rimashpa, kay mushuk kamchiyka Mamallaktapak maymutsurikmi kan, kaywan shukpaklla kullkiyuk wasi tukuykunata yuyarinka, ashtawankarin kapukyachichun llankanka, kullkitapash mañachinka.
Ña mana paykunallapak kullkita charinka, paykunapilla yuyashpa kullkita charishka, llankanata munak runakunaman mana mañachishka.
Kay kamachiyka shukpaklla kullkiyuk wasi allita shayarichunmi kaman, Mamallakta kullki llaktayta hapikpika allimi shayarinka Marcia Arregui nirka. Tukuy llankaykuna paktachishpa alli llukshichun nirka.
JLVN/pv/jc-kichwa
