Manarak mushuk Ley Orgánica de Creación de los Consejos Nacionales para la Igualdad kamachiyta willashpa kay yuyaykunata nirka, kayka Comisión de Derechos Colectivos, Comunitarios y la Interculturalidad tantachishkami karka, Gobierno Autónomo de Chimborazo ukupimi tantarirka.
Rosana Alvarado, kay mushuk Código kamachiy hawa willarka, kunanka utkachikpak makipimi kay kamachiy taririn, paymi arininka 80, 90 watakunapi kamachiy wiñachishkatami llikin, salvataje bancario llakitami churarka, kullkiyuk wasita uku uku allichinatami yanaparka. Chay kamachiykuna chayrak kawsakurkami, Hatun kmachik Mamallakta allichichun nikpipash katikurkallami.
Shukniki Mamallkata Tantanakuyta Kipapushak, kay kamachiy arinirinkapa ashata uniyankami nirka, 2013 llaktakuna yanapashkawan 100 apuchiwan Mamallaktata yanapashpa kurka, kay kamachiywan Ecuador llakta kullkita tawakallankaykunata rurankapa mutsushkatami yanapanka, shukpaklla kullkiyuk wasitaka mana yanapankachu.
Kay Junta de Política y Regulación Monetaria kamaywasitami tantachin, shukpaklla kullkiyuk wasika mana chaypichun kanka, kikinllatak kullkiyuk wasi allichichun llikin, Mamallakta allichichunmi yanapan. “Sinchi kamachiymi kan, kullkiyuk wasikuna mana allita yuyashkatami harkan, 1999 watapi kullki llakikuna tiyashkatapash anchuchin”, nirka.
Wakaychishka kullki
Kay Fondo de Cesantía del Magisterio kamachiyta kunan hunkapi atinakunka nishpa yuyachirka, chayka mana tukuyllapak kullkichu kan, tukuyllapak kullkikashpaka kamashkami kanka nirka, kunan Mamallaktapak mushuk llankaywanka kay kullkikuna shukpaklla makipi kana mana mutsurinchu nirka.
Samarishka kipa
Mamallkata Tantanakuyta shukniki Kipapushak, Rosana Alvarado Carrión, kamachiy killkakkuna samarishka kipa, chay samarika karwa killa 4 punchamanta, 18 punchakamami kanka, tikramushpami Servicio Público de Electricidad kamachiyta kallaripi atinakunka, zirmasapi ukupimi killkarishka kan nirka.
EG/jc-kichwa
