Justicia y Estructura del Estado minkarishkata pushak, Mauro Andino Reinoso apukka, kay Código Orgánico General de Procesos (COGEP) kamachiypak puchukay killkapika tawka mushukyaytami churashkanchik, kaypika (medidas cautelares) rikunapi, rikuk runakuna, chimpapurakkuna chayanapi, kayshina rikuyka tawka apukkuna rikuchishkata chayachiymi kan.
Kamakkunami wasipi charishkata hapichun, mintanalanapak harkanata, ista llaktaman llukshinata, rikuranapak mañayta rikuchiy ushnanka, kashanmi COGEP kamachiy Kamu Kipupi willachishka 12 killa kipami paktarimanaman yuykunka, shinallatak kay Código Orgánico de la Función Judicial, a la Ley Notarial, shinallatak shuktak kamachiykunapipash tawka chikanyachiymi tiyan.
Kay Consejo de la Judicatura tantanakuyka tukuy llaktapimi wasikunata allichishka, mana hatun wasikunallawan, ñawinchina wasi ukuwanlla, antanikichillawan kayachiykunata kayachinkapak, shinallatak yachak kamakkunawan, yachashkawan mishanakuchishpa kamakkuna, kullki wasikuna, killkachikkuna, kamachiyta paktachinapak rikuchiykuna.
Kay Consejo tantanakuyka mushuk mañaykunata yachashpa, ayllukunawa riksichishpa, kamaykunata, kamak runakunata paktachikta yachachishpami paktana kan, 180 grados muyuymi tiyashka.
Shuk ñawinchiyka kimsa, pichka watapimi tukuy paktarika kashka, Kay Código de Procesos kamachiy paktarinaman yaykukpika yuyarinakushka killkaman chayanapak 13 killakunamanta mana yallinkachu. Taripaykunata rikushpa, huchachikta, huchachishkata rikushpa, rikuk runakuna rimashpa, kamak, ñawinchiypa, yuyarinakuyta killkanapi nirkami.
Kamayukuna pakta alli yanapaytami chaskinka, rimashka kamachiynaka Uruguay (24 watakuna), Argentina, Chile, Colombia, Estados Unidos shinallatak Europa llaktakunapi ñami tawka watakunata kayshina ñawinchiy paktarikun.
Kamak runami ñawinchiytaka kallarimanta puchukaykama rikuranka, killkakamayukman yanapakman mañaykunata mana minkankachu, shinallatak imata mana alli llankakpika anchuchinkami, shinalltakachka sumaychaywanmi paktarinka, nishpami puchukarka.
MG/pv
