Kay Comisión de Biodiversidad y Recursos Naturales pushak, Carlos Viteri Gualinga, Mamallakta llankana ñan ukupika pachamamapak hayñita rimankapa istllaktakunawan hatun tantarita rurana ninmi.
Kay hawa rimashpa kayami Ministerio de Relaciones Exteriores kamaywasimanta rikurik kamachikwan tantarinka, kay tantaritaka ista llaktakunawan tantarita rurankapa yuyaykunata allichinkapami tantarinka, kay wata tukuri kimsa killapimi rurarinka.
Pachamamapak hayñita ukllachun shuk kamachiy tiyanami nirka, chayka hatun yuyay kakta hamutanami kan nirka, kay kamachiywan llankankapa achka yuyaykunata sinchiyachinata charin ninmi, Código Ambiental kamachiyta rikunatami charin nirka, ñukanchik Mamallaktapak tiksimi kanka nin.
Kay Comisión de Biodiversidad Minkashkaman kimirishkakuna, Código Ambiental allichinkapa llankanka.
Shuk manyamantaka Mamallakta Tantanakuy samarishka kipami, Gabriela Rivadeneira pushakmak kay kamachiyta kuna, Carlos Viteri nirka. Parque Nacional Yasuní ukupi kak bloques 31-43 kuskakunapi punkarata surkunkapa tukuri yuyaykunata, yuyayta churaykunata tiyachina nirka...
Kunanka, bloque 31 kuskapi punkara llukshichina pampakunapi llankankapa, pachamama kamachik, arinishkami kan, kay yuyaykunawan, chayta paktachinkapa pachamamata mana wakllichishpalla llankanatami churanka. Kayta pushankapa Petroamazona llankayta, imashina kakta, mutsurishkata rikunka.
Tukuchinkapa, Grupo Parlamentario por la Defensa de los Derechos de la Naturaleza, kayta riksinkapa Biodiversidad minkashkata chimpapurashpa katin nirka, Ecuador llaktapi kawsak runakuna sumak kawsayta charichunmi shina chapan nirka..
JLVN/pv/jc-kichwa
