Chay Ginebra, Suiza llaktapi Sexagésima Sesión del Comité para Eliminación de la Discriminación contra la Mujer (CEDAW) tantari pusharinka, chaypimi Gina Godoy, kay Comisión de Justicia y Estructura del Estado, Mamallakta Tantanakuypak shutipi rikurinka.
Chay Guayas markamanta Gina Godoy kamachiy killkak, 16 puncha, panchi killapi Ginebra, Suiza llaktaman rinka, paymi Comité para la Eliminación de la Discriminación contra la Mujer (CEDAW) tantaripi kanka, chay tantarika 12 puncha, panchi killapi kallarirka, 15puncha, pawkar killakama chutarinka, chayka 60 kutin tantarimi kan.
Chay tantarika 23 yachakkunawan wallparishkami kan, paykuna sapan Mamallaktakuna paktakushkatami rikunkuna, paykuna ONU Tantari imashina llankachun yuyaykunata chayachin.
Chay tantariman yaykurishka Mamallaktakuna, paykunapak llankayta Tantariman sapan mitakunapi chayachin, tantaripak hayñikuna paktakushkatami willan, chaytami sapan tantarikunapi paykuna allita taripankuna, chayka allikunata llakikunata tarishpa tukuri yuyaykunata rikuchin.
Kay Ecuador llaktapak llankayka, 19 puncha, panchi killapimi kanka, Ginebra llaktapak sayllaka, 10:00 sayllami kanka. Ecuador llaktamanta 30 chinikutami rikuchinka. Gina Godoy Mamallakta Tantanakuy imatalla tikrachina kashkatami rikuchina minkashka kan.
JC-kichwa
