Mamallakta Tantanakuypak 317 yupay tantarika, Gabriela Rivadeneira Pushak kayashkami kan, chayka 10 puncha, pawkar killa 2015 watami kan, 09h30 sayllapi kallarinka, kaypika Código Orgánico General de Procesos kamachiytami ishkay kutin atinakunka, kamachiywan katikushkata allichinata riman, Mamakmachiyta, Wanachi kamachiyta mana allichinka.
Kay willaytaka Comisión de Justicia y Estructura del Estado minkashkami allichiashka karka, kay llankaytaka Mauro Andino kamachiy killkakmi pushan..
Kay willayta manarak killkashpa, tantarishka rikuykunata, tawka kamaywasikunapak alli yuyaykunata chaskirka, paykunaka: Consejo Nacional de la Niñez y Adolescencia, Federación Ecuatoriana de Notarios, Instituto Ecuatoriano de Derecho Procesal, Defensor Público, Compañía de Titularización Hipotecaria, Movimiento Pro Justicia contra la Usura y Corrupción tantarikunami karka.
Kay Consejo Nacional para la Igualdad Intergeneracional, Colegio de Abogados de Pichincha, Andina Simón Bolívar, Hemisferios, Américas, Católica, San Francisco de Quito hatun yachanawasikunapak yaykunata kurka.
Kay mushuk kamachiyta allita rimankapa, amawtay tantarikunata rurarka, shinallatak Ambato, Riobamba, Santo Domingo de los Tsáchilas, Esmeraldas, Cuenca, Guayaquil llaktakunapak, kay kamachiy hawa riksikkunawan tantarirka.
Kay mushuk kamachiyta katishpa, huchachik katikuyta pushanka, shuk milka katikuy llankayta rikunka, yanka uniyakukta anchuchinka; katikuk runakunata ñitkachishpa achikyachichun mañanka, atinakuyta rurachinka, shuktak allichik llankaykunata ruranka.
Shinallatak, tukuy kuskakunapi, katikuy mukukunapi, rimaykunapi imamanta katikushkata churanka, rimashka llikawan pushanka, killkashpa wanayta pushakushkami sakirinka.
PV/jc-kichwa
