Tawka takikkunawan raymishpami, SAYCE (Sociedad de Autores y Compositores de Ecuador) tantanakuy 2014, Kimsa Niki wata kamariy paktarka. Takikunawan wiñayta llankashkamanta kamariy chayachiypi, Mamallakta Tantanakuyta pushak, Gabriela Rivadeneira apukka, Llaktapak kawsaymi ñukanchikta riksichin nirkami.
“Wiñaytami mitsasha, Ecuador llaktapakka pachamama charishkatapash yallika llaktapak kawsaymi kan, paypak takikunami may allika”, nirkami, kayshina kushiyashpami takikkuna llankashkata riksishpa shuk estatuillas kamariyta riksirishka runakunaman chayachirka,
Pakta llankaywan kawsashkamanta riksirishka ayllukunaka lías Vera, Alfonso Cachiguango, Guillermo Rodríguez, Édgar Gonzalón, Mercedes Mendoza runakunami karka. Ecuador llaktapi killkak ayllukunami kan.
Kay SAYCE 2014 watapi Kimsa Niki Kamariyka hotel Dann Carlton samana wasipimi kunan tuta paktarka, kaymanmi llaktapi takinapi riksirishka runakuna chayamurka. Kay tantanakuymanka 80 ayllukunami chayamurka, paykunaka 19 ruraykunapi takikunapi rakishkami karkakuna.
Ñawpakman shayana hawapika, kikinmanta takik Fausto Miño, Segundo Rosero, Felipe Jácome runakuna, Tercer Mundo wankurishka takikkunaka, kayshina llankashpa kawsakkunapak hayñita, kikin llankashkata ukllana hayñitapash rikunapak kamachiyta rurachunmi mañarkakuna.
Kay raymipika kikinmanta takik Douglas Bastidas runa raymishkami riksirinalla rikurirka, payka shuk zirma churumpilapimi riksishka takikunata kararka. Gustavo Herrera runaka Julio Jaramillo runa rurashka takitami kararka, kayshina takiktaka Ecuador llaktapi riksishka runaka mana karakchu karka
JS/CV
