Mamallakta Tantanakuyta pushak, Gabriela Rivadeneira, kaya puncha 10h00 sayllitami, Kamachiy Awllipak wasi ukupi wawakunapak ñawpa kawsay riksichiyta kamukunata llaktayukman riksichinka, kayshina willaypika Ecuador llaktapak mamakamachiypi churashka hayñikunatami yachachin, shinallatak kari warmi wawakuna, wamrakunapash riksichun rurashka kan.
Mamakamachiy: wawakunapak hayñita, llaktayuk chaypikanatapash killkapi willashka, kimsa pakta wata charikpakmi rurashka kan: kallaripika 4 watayukmanta 7 watayukpak; ishkay nikipika 8 watayukmanta, 11 watayukpak, shinallatak kimsa nikipika 12 watayukmanta 15 wata yukpakmi kan.
Kayshina riksichiyka Salón de la Libertad José Mejía Lequerica wasi ukupimi paktanka, kaymanka 700 yalli wawakuna, wamrakunapashmi Quito llaktapi shukllapak, llaktapakpash 22 yachana wasimanta chayamunka. Kaypika riksishka Ricardo Williams runa, shinallatak La Rana Sabia kushichik pukllachikkunapashmi chayamunka.
Kari warmi wawakuna, wamrakunaka kay ñawpa willayta killkashka kamupika mamakamachiypi churashka hayñikunatami yachankakuna..
PV
