Kay Tierras y Territorios Ancestrales kamachiyta kallari atinakuyta rurashpa, kayman chika chikan yuyayta charik kamachiy killkakkuna shamurka Rosana Alvarado, Mamallakta Tantanakuyta Kipapushak shina rimarka, manarak kamachiyta arinishpa llaktakunata tapuna nirka.
Imashina tapunata, Mamakamachiypi rikuchin, Ecuador llaktapi, suyupi wiñaykawsay ukupi mushuk llankaymi, kay Recursos Hídricos, Usos y Aprovechamiento del Agua kamachiyta arininka, Cultura kamachiyta ñami llaktakunapi tapuyta rurka, kipaman kamachiyta arinirka.
Mamakamachiyka ayllullaktata, llaktakunata, llakichina kakta rikushpaka paykunapak sapi hayñikunata llakichinata rikushpaka, kamachiyta manarak arinishpa tapunami kan. Shina rimashka kamachiy wallpayka tukuykuna riksishka kana, kaymanta achkata yanaparishka runakunapash tapushkami kanka, nishpa yapa rimarka.
Mamallakta Tantanakuypi atinakuy puncha Federación de Organizaciones Campesinas, Indígenas y Negras (FENOCIN) tantari, Confederación de Pueblos y Organizaciones Indígenas y Campesinas del Ecuador (FEI) tantari, awkita minkashka achkatami kay kamachiy killkarichun yanaparka, shinami kamachiyta killkankapa mushuk ñan kan, markakunapi, Mamallaktapipash tapuykunata ruranka, kamachiyta arininkapa achka llaktayukkunata tapuna mushuk ñanmi kan.
Allpa kamachiymi Mamallaktapak allpa mashna tiyashkata rikuchin, llaktakunapak makipi kakta, sukpaklla makipi kaktapash rikunmi, ashalla tantarishka makipi kakta rikuna, chaymi maymutsurik kan, kayn kamachiyka tawka runakunata kayashpa tantachinata, kuyuchinata ushanka
Kamachiypak nikikunaka hawallami kan, mana wakllichishka kanachu, pantachishpa Hatun kamachikwan takarinkapa runakunata kaparichun pushamuna mana kanchu. Montecristi llaktapi rurashka Mamakamachiytami sinchiyachinka, shuklla allpata hapishpa, runakunata surkuna, ayllullaktapi kawsak runakuna llakichishpa allpamanta surkushka karka, shina mana kankachu.
MG/pv/jc-kichwa
