Kay Comisión de Soberanía Alimentaria pushak, Miguel Carvajal, kay Tierras Rurales y Territorios Ancentrales mushuk kamachiy alli killkarichun runakuna, pakllarunakuna, yanarunakuna mushuk rikuyta kurka, kay kamachiyka Mamallakta tarpuypi wiñariychun yanapak kakpi tantarikunapak pushakkuna alli chanita kurka.
Shinami Fenocin tantarita pushak, Santos Villamar, Asociación de Negros del Ecuador, Federación de Organizaciones Montubias del Ecuador, la Coordinadora de Organizaciones Sociales, Conae - Costa tantarikuna, kay Frente Nacional Social Intercultural, Allpa Kamachiy arinirichun yanapankuna, chaypak tawka rikuykunata churanka.
Allpa, yakupash llaktakunapak kawsaymi kan, shinapash ashalla charikkunami alli tarpuna allpata charin, chay tarpuna allpapi hichankapa achka yakuta paykunapak makipi charin.
Rimarinkapa, alli rikunkapa, atinakunkapa punku paskashkami kanchik, chaymantami tukuykunallatak kay Allpa Kamachiyta wallpankapa mañakunchik, kay kamachiywan llaktakunapak wakchayay, yarkay llakita ashayachinka mushuk ñanta mashkankapa kan.
Tantarikunata pushakkuna, kay willana ñankunapi rimarka, tukuykunapak allpata yaykuchinmi nirka, llaktakuna, runallaktakuna purina kuskakunatapash yakuchinami nirka, kay llankayta awkimikunata pushakkuna kay llankayta kallaripi churachun nirka.
Pakllapi kawsak ayllukuna tarpuna allpata charichun, kayka Mamallaktapak llakta ushay kachun allita rikunchik nirkakuna, kay mushuk kamachiy hatun allpakunata kichkishpa, uchilla tarpuna allpakunata mirarishka, kay llakita ashayachina.
Shinallatak kay kamachiy uchilla tarpukkunapak, malta tarpukkunapak kamachiy kachun ñakarinkakuna, kay kamachiy kapuksapita mushukyachinka yanapachun mañarka.
Paymanta, Miguel Carvajal kamachiy killkak, Soberanía Alimentaria minkashka, kay mushuk kamachiyta tukuy minkapi killkanchik nirka, shina rikukpika tantarikunapak mushuk yuyaykuna alli shamushka kachun, punkutapash paskashkami kanchik, shinami llakta ushay sinchiyanka, nishpa tukuchirka.
Tukuchinkapaka, kallarik tarpuyta allichishka ñami 50 wata yallishka nirka, kunanka pukuchik Mamallaktaman yallikrinchik, shuwayta anchuchichun, Ecuador llaktapi kawsak tukuy runakunaman pukuykuna yanapachun nirka.
PV/jc-kichwa
