Wanra, 25 puncha, pawkar killa, 2014 watapi, 12:00 saylla, Tawkasami kawsayta Minkashka, Carlos Viteri Gualinga pushak Sacha wiwakunata, apamushka wiwakunata hapinata, charinata, tukuyllapak ñawpakpi rikuchinata harkak Kamachiyta riksinkapa kayan. (CAL) arinshka kipami kayan.
Andrés Páez kamachiy killkak yuyaypika, tukuy Mamallaktapi sachapi kawsak wiwakunata, pushamushka wiwakunatapash, riksina wiwakunata wichkana wasipi mana wichkashpa charinachu nin, tukuykunapak ñawpakpi pukllashpa rikuchinata mitsanami nin.
Shuklla, tawkapura, imashinapash wiwakunata rikuchishpa kullkita hapichun harkaytaka, mayhan shina llankaytapash kay kamachiyta suniyachishpami harkana.
Kay harkaywanka, sachapi kawsak wiwakunata, pushamushka wiwakuna karuyashkatapash, wiwakunata mana wichkana, wiwakunata mana wichkashpa charina, mana waktana, tukuykunapak ñawpakpi pukllashpa rikuchinata mitsanami.
Kay llakikuna tiyashkamanta, mana washaman sakishpalla: riksina wiwa wasiyukta, mayhan shuklla runata, kamachiyshka runatapash wiwakunata wichkashpa charichun mana sakinachu nirka. Sachapi kawsak wiwakunata, pushamushka wiwakunata tukuykunapak ñawpakpi pukllashpa rikuchinata mitsana, wiwakunapak kawsayta, ukunta llakichikukpi mana mana sakina. Shinapash Forestal y de Conservación de Áreas Naturales y Vida Silvestre kamachiy mana harkachun nikpimi sakinalla kan.
Kay kamachiypak yuyayka, tukuylla riksinapi, riksina wiwa wasiyukpi wiwakunata wichkashpa charishpaka, mayhan shuklla runa, kamachiyshka runapash, wiwakunata kichushpa wanachishkami kanka. Tukuy kamchikkunami kamachiywan, uchilla kamchiykunawan harkanata charin.
Kay kamachiyta mana uyashpa wiwakunata llakichikukpika, wiwakunata kichushpa wanachishkami kanka, killapi hapina, 20 llankay kullkiwanmi wanachishka kanka. Shinallatak wichkashka wiwakunata kutintak sachaman pushankapa, mikunata kunkapa, hampinkapa kullkita kunatami charin.
Kay kachashka kmachiyta riksishka kipa, Sote en el sector El Reventador urkupi, Sucumbíos markapi punkara tutu utkurikpi, hicharishpa pachamanta wakllichishkata ishkayniki in situ willaypi riksishkata kamachiy killkakkunami riksinka. Kay llankaytaka 9, 10 punchakuna, kapakkillapi, 2013 watapi, runakunapak, pachamamapak llakita allichishkata riksirka.
JLVN/am/JC-kichwa
