Gabriela Rivadeneira Mamallakta Tantanakuy pushakta Inti Raymi, San Pedro raymiman kayarka, Tabacundo llaktapak ñawpapacha rikuchikkunapi karka, chayka Pichincha markapak hawamanmi sakirin.
Frank Gualsaquí, Pedro Moncayo kitipak pushak, Gabriela Rivadeneira Mamallakta Tantanakuy pushakta, Barrio El Arenal kuskaman Noche Sanpedrina tukuyman kayachirka, chaypika Tabacundo ñankunata purinka, shamuk wacha 18h00 sayllapi tukurinka.
Runakuna, paypak sinchita llankashka kipa, alli pallaykunata charishka kipa Inti Taytata, Pachakamakta yupaychanata charin, paykunawanmi ukllanakushpa kawsashka.
Shinallatak, Mamallakta Tantanakuyta Pedro Moncayo Kitita sumakrurayta yachachishpa yanapachun mañarka, paykunapash Sumak Kawsaypak kamachiykunata rurachun Mamallakta Tantanakuyta ranti yanapashun nirka.
Shinallatak Gabriela Rivadeneira Mamallakta Tantanakuy pushakta, San Pedro raymipi kashi nishpa “ kunanka Mamallakta mushukyarikun nirka”, chayta rikushpami Recursos Hídricos, Usos y Aprovechamiento del Agua kamachiyta arinishka kan nirka.
Paya Mamallakta Tantanakuyta rikukpika, kunanka tawka llaktayukkunami puchanta kay Mamallakta Tantanakuypak wasiman huntamun, paykunami mushuk Mamallakta kachun muskun nirka.
Kay llankaykunata rikushpami Recursos Hídricos, Usos y Aprovechamiento del Agua kamachiyta arinishka nirka, chaymi runakuna paypak hayñita shina alli yakuta hapichun kamanka, mana katuna kanka.
Ña tukuchinkapa, puchukkuna katin nirka, sitwa killamanta mushuk Allpa Kamachiy killkarishpa katinka, chaypakta llaktayukkuna kaypi kachun mañarka.
PV/jc-kichwa
