13h00 sayllatami, Venezuela llaktapak waytakunaka Mar Caribe llaktapimi sakirin, Mamallakta Tantanakuyman chayamurka. Kaypimi awkakunapak chanita chaskirka, kipaman Mamallakta Tantanakuyta pushakwan tantarirka. Defensa Nacional kipa hatun kamachik Carlos Larrea kaypi karka, shinallatak kipa ista kamachik, Leonardo Arízaga. Ecuador llaktapak ista kamachik San Vicente y las Granadinas, Andreas Wickham kamachikpash kaypi karka.
Kay tantaripi Mamallakta Tantanakuypak Pushak, Gabriela Rivadeneira, San Vicente y Granadinas llaktapi, 2013 watapi yaku nuyushkamanta, kay llaktawan nanarirka, chaymanta Ecuador llaktamanta Hatunkamachik yanapankapa arinirka, 2014 watapi chay llakita Mamallaktapi rikisichun runakunata kacharka. “Ñukanchikmanka, ñukanchik Mamallaktapura yanapashpa katina allimi kan”.
Hatunkamachik chayamuyka, Unidad Laborista Llaktay tantarita pushak, yalli yuyaysapa kakta riksishka kan, Ecuador llaktamanta kipa ista kamachik yallik killakunapi kayashkatami paktachikun, Leonardo Arízaga shutimi kan, suyupi tantarikuna sinchiyachun yuyashpami kayashka. 2009 watapi, Ecuador llaktapash, San Vicente y las Granadinas llaktapash, Alianza Bolivariana para los Pueblos de Nuestra América (ALBA) tantariman yaykurirkakuna. 2013 watapi Consultas Bilaterales shutiwan shuk yuyarita killkarkakuna.
“Kay rimanakuykunaka ñukanchikpura ashtawan tantarina, makipurana pachami kan, shinami imatalla ñalla rurana, suni pachapi ruranata rikuna kan, Alba tantaripi yaykurishka llaktakuna wawkishina katinami kan”, shinami Mamallakta Tantanakuyta pushak nirka.
Paymanta, Ralph Gonsalves, Mamallakta Tantanakuy pushak payta chaskishkamanta yupaycharka, Ecuador llaktawan, Caribe llaktakunawan kullkiwan, llaktaywan, mintalaywan yanapayta tankanata kutintak nirka.
Ecuador llaktapi Hatunkamchikpak kunan tutamanta kallari llankayka Rafael Correa Mamallakta Pushakwan tantarimi karka. Kunan chishi, tutapash hatunkamachik, raymi killakama Caribe llaktapak (Caricom, inglés shimi nishanin) ashalla pachapak pushakmi karka, payka ishkay kamarita chaskinka. Shukka kay Ecuador llaktapi samarichun nishpa Quito Kititantari kunka, ishkaynikipi Hatun Kamachikpak wasi kunka. Gonsalves kamachikka Orden Nacional al Mérito chaniwan, Gran Collar patawan kunka.
jc-kichwa
