Yaku Kamachiyta arinishkamanta Mamallakta Tantanakuypak wasi kanchapi, runakuna tantarimanta, llaktayuk tantarimanta, runa llaktamanta, yunka llaktamanta, yanallaktamanta shamuk 500 runakuna kushiyarirka, shinami allpa llankay mushukyay tukun nirkakuna.
Paya llaktay tantarikunaka tawka watakunatami yatuta katushpa kawsarka, yakuta mutsukkunata, yaku tumata, yakupampata charikkunata mitsashpa charirka. Kunan llaktayuk mushukyaymi chay yakukunata tukuypak hayñimi kan nishpa, llaktakunapak makipi churan nirka.
Sitwa killapi mushuk Allpa Kamachiy kallarinka, runakuna yuyarishkami kan, Soberanía Alimentaria Minkashkami pushamun, shina Ecuador llakta kikinkayta sinchiyachikun, yakumi llaktakuna wiñarichun tiksi tukun nirka.
Soberanía Alimentaria Minkashkata Pushak, Miguel Carvajal kay Recursos Hídricos Kamachiyta arishkaka, Ecuador llaktapi kawsak runakuna, runa tantarimanta, llaktayuk tantarishkakuna, runallaktamanta, yunkallaktamanta, yanallaktamanta kachashkami kan nirka, 20 watamanta mañashkami karka, kay Mamallakta mushukyarinkapa kawsakukman shuk ñanmi kan nirka
Allpa Kamachiy kimsa rakishkaniki killapi atinakuy kallarinka nishpa makita waktarka, kay Mamallakta Tantanakuypak llankay ukupimi kan nirka. Llakta ushay, paktarakik, awkikay, yanapak Mamallakta wallparichun nishpa, yapa rimarka.
Recursos Hídricos kamachiyta arinishka, llaktakuna mishashkami kan, Daniel Cañola taytami shina nirka. Payka yana llaktamantami karka, shina pakllapi kawsak runakunapak, uchilla, paktalla kapuchik runakunapak hayñita kutintak hapinchik nirka.
José Agualsaca, (FEI) tantarita pushakka, kunanmi runakunapak kawsaypi wiñaykawsay kan, pakllapi kawsak wawakuna XXI watapi mapa yakuta upyashpa mana katinkachu nirka. Kitipi kawsak runakuna shinallatakmi chirli yakuta upyana hayñita charin nirka. Kay llankaytaka Mamallakta hapichun, pay yakuta paktapakta tukuyman rakichun nirka.
Shuk manyamanta, Santos Villamar, Fenocin tantarimanta, “Gabriela Rivadeneira chumpita watarishka warmimi kan nishpa, paymi llaktakunapak ñakariyta hapishpa Mamallakta mushukyachun llankan, paya kamachikkuna harkashkata anchuchin nishpa” paklla runakunapak hayñita ukllan nirka.
Shinllatak Doris Solís, AP tantarita pushak, yakuka tukuykuna charimushkami kan, 25% patsakri paklla runakuna mana charishka nirka, Soberanía Alimentaria Minkashka, Mamallakta Tantanakuypak llankayka may sumakmi nirka.
MG/pv/jc-kichwa
