Yachayta rikuk minkarishka apukkuna, kay Consejo de Administración Legislativa (CAL) tantanakuy yuyarinakushkata hapishpa, kay Educación Intercultural (LOEI) shinallatak Educación Superior (LOES) kamachiykuna mushukyachinapak killkata chaskishpami llankay kallarinkuna, kay mañaytaka Llakta pushak, shinallatak Antonio Posso apukpashmi killkakunata chayachishka kan.
Ximena Ponce apuk, Yachayta rikuk minkarishkata pushakka, Educación Intercultural kamachiy mushukyachinapak mañayka ishkay killkakunami wanmi tiyan, chaymantami shukllapi tantachina mutusurin nirkami, shinallatak kay yallik killakuna llaktayukwan kay LOEI kamachiy paktakushmanta rimanakuypi tarishka yuyaykunapash kay mushukyachiy ruranapi allimi yanapanka, nirkami.
Kay kamachiykunata imalla mushukyachinataka llaktapi llankakkunawan ayllukunawanpashmi rimanakushun, kayshinami llakta mushukyay ashtawan sinchiyashpa katinka, nirkami.
Llaktapi yachachik kanapak yaykunamanta
Llakta pushak, kamachiy mushukyachinapak mañashkapika, llaktapi yachachik kanapak yaykunamanta alli rikuchinatami riksichin, kaypika sumak yachay wasipi paktashka iñik pankakunata charikkuna yaykunata rikuchin: Yachachinapak yachak, shinallatak tukuy yachaykunamanta rakishkata yachak; yupaykunata yachak; kawsaymanta yachak; Ayllukuna kawsayta yachak; ayllukuna kawsaymanta tukuy rakishka yachaykunatapash yachak; akllashka ayllukuna yachachinata yachak; shuktak yachaykunatapash yachak, shinapash kay yachachinapak mana pakta yachachik ayllukuna tiyakpillami yaykuna kan, ninmi.
Doctorado paktanapak mañay
Shinallatak Antonio Posso Salgado, Imbabura markamanta akllashka apukka, kay doctorando (PhD - chayshina yachaytapash) charishpa universidad - escuela politécnica sumak yachana wasipi tukuy pacha yachachik kanapak paktana pachakunaka kamachiy llukshishkamanta 10 wata kipami chayachina kan, ninmi.
MG/pv
