1 uchilla suyupak kay Ministerio de Educación wasi uku hunta, chay Santo Domingo de los Tsáchilas markapak kamachikkuna, tantarikunata, tiki ayllullakta pushakkuna, llaktakkuna chayman chayarka, shinallaktak chay markapak Johana Cedeño, William Garzón, Mary Verduga kamachiy killkakuna llankashkata willankapa chaypi karka, paykunaka 2014 watapi kulla killamanta, kapak killakama llankashkata llaktayukkunaman rikuchirka.
Shuyu kuyurikta riksichishpami tantarika kallarirka, kaywanmi Mamallakta Tantanakuyta pushak, Gabriela Rivadeneira, Santo Domingo llaktamanta mashikunata, llaktayukkunata naparka, Mamallakta Tantakuy tukuykuna alli kawsayta charichun yanapan nirka.
Shinallatak Johanna Cedeño tawka kamachiykuna wallparichun yanaparka, imashinami Consejos Nacionales para la Igualdad kamachiyta wallparichun yanaparkani nishpa willarka. Shinllatak llaktayukkuna kay Comisión de Participación llankayman chayarka nirka, payka kay tantaripak kipa pushakmi kan.
Paymanta William Garzón kamchiy killkak, Código Orgánico de Salud kamachiy hawa, kay Tierras Rurales y Territorios Ancestrales kamachiy hawami ashtawan rimarka, kay tapuykunawan tawka tantarikuna, sapsikuna, ayllullaktakuna, llaktakuna, runallaktakuna kay maymutsurik kamachiy hawa ima yuyaywan yanapakta riksinkapa nirka.
Tawkamanta, Mary Verduga, Mamallakta Tantanakuypak llankayka mana hamutarinami kan, mana rikurik llankaymi kan nirka. Mamallakta Tantanakuyka Mamallaktaman shuk hillaytami kun, ashtawankarin utkachikmanmi kun, kay hillaywanmi kari warmi llaktayukkuna mutsuykunata, llakikuna charishkata allichinkapa churanka. Shinallatak, llankaykunata. Kay Comisión de Soberanía y Relaciones Internacionales kamaywasipak llankaywan, purik runakunapak llankayta allichishkanchik.
Kipaka chaypi runakunapak tawka rimaykuna tiyarka, kay llankayta rikuchikka may allimi nishpa rimarkakuna, paykuna kachashka kamachiy killkakkuna llankashkata riksina may alli kan nirkakuna.
EG/pv/jc-kichwa
