Willana ñankunapi rimashpa, Diego Vintimilla, Eduardo Zambrano Venezuela llaktata Pushak Nicolás Maduro, rimanakuyta paskashkata naparka, chayka washamanta yanapaywan kasilla tiyachun ushankapa nin.
María Urbaneja ista kamachik kay tantankuypi karka, Partido Socialista tantariman kimirishka pakta runakuna, Venezuela llaktamanta yachakukkunapash kaypi karka
Nicolás Maduro pushakpak kamachikkuna llankayta shuk watata pushakushka paktakpimi kay tantari rurarin, Diego Vintimilla nirka. Shinallatak kay punchami takarikkuna takarinakunkapa runakunata kayarka. Paykuna kayashka shuk watami kan, mana llakta ushaywan kayarka, llakta mana kasilla kachun sakishpami kayarka- llakta ushayta urmachinkapa llankaymi karka- llaktakuna apuchiwan rimashpami wallpashka nhatun kamchik kan.
Mamallakta Tantanakuy arinishkatami rikuchirka, chaypika istallaktakuna yaykurinatami supaychan, Venesuela llaktapak llaktay ukupi tawkasami yaykurinatami supaychan.
Chaymantami, Grupo Interparlamentario de Amistad Ecuador llaktawan –Venezuela llaktawan mashiyarishkata pushak Eduardo Zambrano shina nirka. Shinallatak yapa kullkita charik, ashalla pushak istallaktamanta yanapashkawan, Venezuela llaktapak runakuna akllashka kamchikkunata mana kasilla sakisha ninkuna nirka. Chaymi llankakkuna, paklla runakuna, yachakukkuna, kapuchikwasikuna, mintalakkuna, llaktay tantarikuna rimanakuna patakupi kakta napashpami shina nirka, paykuna kasilla, llankay, mashirinakuy tiyachun mañarka.
Kay tantarishka imashina llakikuna katikukta chaparayankami nirka, Unión de Naciones Sudamericanas (UNASUR) kamachikkuna yanapashkata, rimanakuy kallarishkatapash yupaychan.
Yanapay
Pay Carlos Soto, Juventud del Partido Socialista Unificado de Venezuela, Latin Apya-yalapak llaktakuna yanapashkamanta yupaychan, Ecuador llaktamanta Mamallakta Tantanakuy, hatunkamachikkuna yanapashkatapash yupaychan.
Nicolás Maduro Mamallakta pushak punchantami rimanakuyman kayashka charirayarka, takarik llaktakkunaka, imashina kashkata llullashpa tikrachishpa makanakuyta, wañuchinata mashkashpa allpapachaman willashka, paypak llaktapi runakunapura makanakuy mana tiyakta rikuchishka.
MG/pv/jc-kichwa
