Kay Grupo Interparlamentario de Amistad Ecuador–Venezuela, kunan Julio Chávez kamachiy killkak, Venezuela llaktamanta Mamallakta Tantanakuy Willayta Minkashka, kamachiy killkaypi yachayta rantinchinkuna.
Kunanpi, Ecuador llaktamanta, Mauro Andino amawta, imashina Orgánica de Comunicación kamachiyta wallpashpa katinamanta, arininamanta willarka, kayka wata washamanta shamun nirka.
Kay tantaripika: Eduardo Zambrano, tantarita pushak, Carlos Viteri, Mary Verduga, Angel Vilema, Diego Vintimilla kimirishkakuna karka.
Eduardo Zambrano, Julio Chávez kamachikta alli shamuyta kushpa, kay hawa rimanakuna allimi kan nirka, ñukanchik Mamallaktapi kamachiyta imashina wallpana yachayta rantinchinapash allimi nirka.
Mamakamachiyta imashina killkashka yuyay kunankama kawsakmi katikun, kamachiyta arininapimi shina rikurin nirka. Kunanmi imashina kamachiyta killkana yachayta rantinchina alli, ñukanchik llaktapi, Willay Kamchiyta kayna wata arinishkata yuyarirka. Venezuela llakta Tukuyllapak Willana kamachiyta killkakun nishpa, yapa rimarka.
Kaymi Latin Apya-yala tantari kan, Montecristi Mamakamachiyta rikuchishpa nirka, tukuykunapak yuyay kachun ñukanchik llaktakuna tantarichunmi yanapan, ashtawanka willaypimi alli kan nirka.
Shinallatak Julio Chávez kamachiy killak, paypak llakta llakipi kawsakun nirka, charikkuna llaktata wiñaykawsayta wishtuyachisha munashpa llaktata pushaykallarishpa, allpamama charimushkakunata hapisha nishpa llakichin nishpa willarka.
Venezuela llaktata pushak, Nicolás Maduro, pay pushayta kallarishkamanta, shuk punchatallapash kasikayta mana charishkachu, punchantami charikkuna istallaktakunawan watarishpa Vezuela llakta mushukyayta, runakunatapash achkata llakichishka.
Paypak llaktapika, Mamallaktata tawkasami takaymi tiyan nirka, chaymanta 42 runakuna wañushka, 3 waranka runakunata manchachishpa hatun llakikunata churarka; paykunamanta 92 kishpiyta kichushka sakirin, kitipushkuna, San Cristóbal llaktamanta shina, wañushkakunata ñanta purichirka, kaywan Nicolás Maduro pushakta urmachishun nirka.
Wanachishkakuna, 58 ista llaktamanta kan, ista wañuchikkuna kan, asiáticos llaktamanta; Colombia llaktamanta Autodefensas Unidas runakuna kan; Estados Unidos, España llaktamantapash kan. Kay runakunami manchachishpa llankakurkakuna, mana kasiklla kaparinchu, tukuyllapak kamaywasikunata waktarka, Fiscalía de la República kamaywasita rupachisha nirkakuna, Táchira llaktapi Universidad de las Fuerzas Armadas wasita, tukuyta rupachirka.
PV/jc-kichwa
