Shinami, ushayta charini nishpa warmikashkamantalla llakichikpi, makakpi, kayshina wakllichishkamanta warmi wañuchikpika wanachishkami kanka
Kullki chinkarinka nishpa manchachikpi, kayshina llakichiykata panta willaywan ayllukunata wakichishka kullkita tukuy anchuchinaman kayakikpi. Kullki Mintalaypi manchachiy, kayshina llakichiyka llaktapi kullkiwan llankayta panta willaykunawan wakllichikpi, charinakuna, yanapaykunata charinapak kullki chayachina mirarikpi, shuk mintalaktalla yanapana yuyaywan manchachikpimi wanachinka.
Kullkimanta Wañuchikpi, shuk ayllu kayshuk aylluta kullkimanta wañuchikpi, paypak, shuktakpakpash kullktita hapikpi, kullkita hapinapak yuyarinakukpipash; Yachashkawan mana pakta llankakpipashmi wanachinka.
Kullkita pakalla mañachikpi, shuk ayllu kullkita pakalla ayllukunaman llaktapi wawakullki hapinapak riksichishkata yalli hapinapak mañachikpi.
Hayñipi mana paktarishpa kullkita mañachinapak tantachikpi, kayshina llakika riksirinkami llaktayukman willashpa pakallapash kullki mañachiynata riksichikpi. Kayshina llakitaka pichkawatamanta, kanchis watakama wichkashpami wanachinka.
Makakpi, shuk aylluta shuktak ayllu aychapi makakpi, yuyaypi llakichikpi, kawsaypi yuyaypipash wakllichikpi, ima mañashkata chayachikun uma chinkarinkama makakpi, aychapi shaykunkaman wakllichikpimi kayshina llakita wanachinapak riksinka.
Istallaktaman pakalla ayllukunata apakpi, llankachishpa ima charinata hapinapak, kayachishpa, willachishpa, hapishpa, yanapasha nishpa, munachishpa, kullkita mañachishpa, makipurachishpa, tantachishpa, istallakta ayllukunata, Ecuador llakta ayllukunapash shuktak llaktaman chayachun llukshichun yanapakpimi wanachishka kanka.
Ayllukunata llakipi llankachinapak kayachikpi, pushakpi, apakpi, chayachikpi, hapikpi, kay llakta ukupi, shuktak llaktaman shuk ayllupak, shuktak ayllukunapakpash apakpipashwanachishkami kanka.
Llaktata wakllichinapak, ayllukunata llakichinapakpash tantanakuymanta rikuyta mushukyachirkami, shinallatak kunan pachakunapi llakichiykuna paktakushkaman kichkiyachishpa, shinallatak ista llaktakunawan yuyarinakushkata paktachishpami allichishka kan.
Kay COIP kamachiypika wanachinapak kallari yuyaykunatami kutichin, shuk yuyayka kaymi kan, aylluta wakllichishka kashpa tukuyta allichina, kay allichiyka munaywan riksinalla allichiymi kanka, kay allichiytaka minkashka kamakkuna rikukukpi wakllirishka ayllukunapash munaywan chaskikpimi paktanka, kayshinami llakichiyka harkarishka kanka. Imashina paktanata, mashna kullki mañanataka llakichishkata riksirishpa, charishka llakichishkata rikushpa, ima wakllichishkata riksishpami wanachiyka paktanka.
Wakllichiyta tukuy allichiyka kanmi, kutinpash ñawpashinaman sakirichun churana, charishka llakichitukushkamanta mashna kullki pakta kashkata chayachina, shinallatak unanchayta kutinpash chayshina sakinami kanka.
PV
