Kigali, Ruanda llaktapi, Cumbre de Verano 2014 tantarita pushakun, warmi kamachiy killkakkuna kay allpapachapi tantaripi, kullkipi, llaktaypi pushanata paktakunkuna, África central llaktapi warmikunata wañuchishka 20 wata kipa kay pushaykuna kallarin.
Zobeida Gudiño kunan tutamanta riksichikshina karka. Ecuador llaktapi Mamakamachiypi llankakushkata willarka, warmikuna karikunawan paktapakta llankakushkata willarka, shinapak warmikuna ashtawan paktankapa nirka.
Kay 2006 watapi, Rafael Correa Pushak tukushpa Mamallakta mushukyay kallarin warmi kamachiy killakak nirka. Montecristi llaktapi, 2008 watapi, Mamakamachiy arinishkamanta ashtawan sinchiyarka. Kay Ecuador llaktapi warmikuna ashtawan llankaypi paktachunmi yanaparka.
Mamakamachiyka Ecuador llaktapi tawkasami kawsayta charik runakuna ariniskatami riksin, chaymi Sumak Kawsay paktachun yanapan. Kay Ecuador llaktapi kawsak kariwarmi runakuna paktapakta kawsachun riksin, tukuy llaktayukkunata paktapakta kachun munan. Kamachiywan, charishkunawan pakta kachun, mana tsikni tiyachunmi riksin.
Ecuador llaktamanta Mamallakta Tantanakuy kay watapi Consejos de Igualdad kamaywasita wiñachirka, chayka Mamakamachiy tawka rikuykunawan mañashkami kan. Runapak hayñikunata Mamakamachiypi, istakamachiykunapi rimashkakunata kay kamaywasimi paktachinata charin.
Utkachik awllipak, kamaywasita pushaykunapi achka warmikunami llankakun; 2012 watapi, 42,1% paktarka, 38,2% patsakrimi 2008 watapika karka. Kamachiy awllipika, Corte Nacional de Justicia kamaywasipi, warmi kamachikkunaka 4% patsakriman yallirka, karikunaka 40% patsakriman yallirka. Akllak awllipi 40% patsarimi yaykurirkakuna, paykunaka CNE kamachikkunami tukurka. Shinallatak Consejo de Participación Ciudadana y Control Social, kayka Función de Transparencia y Control Social kamaywasipi 43% patsakri warmikunami llankankapa yaykurirka.
Mamallakta Tantanakuytaka kimsa warmikunami pushakun, shinami warmikuna 2013 watapi, 48% patsakri tiyarinata hapirka; 2002 watapika 17% patsakri warmikunapak makipi karka, 2009 watapika 34% patsakri warmikuna karka.
JLVN/jc-kichwa
