Ximena Peña, Estados Unidos y Canadá llaktamanta akllashka apuk, Toronto kitipi kawsak ayllkunawan rimanakurka, kaymanka payta katik apuk Hernán Astudillo kushipata runa kayachirka, kaymanka Inti Raymi imashina paktakushkata rikunamanmi kayachirka.
Ximena Peña apukka raymikunapi kashpaka kiti pushakkunawan, llakta ayllukunawanpashmi rimanakurka, Apya Yala suyu llaktakunapura pakta kawsanamantami rimanakurka.
Shinatallak “Llaktayukwan rimanakuypi” karka, kaypika Llakta pushak sumak kawsay paktanapi llankakushkatami riksichirka, shinallatak Ecuador llaktayukkuna istallaktapi kawsakushpa imashina llakta yanapay paktanata rikuchirka. Canciller, Ricardo Patino runapash, “La mano sucia de Chevron – Texaco” kaparinakushka imashina ñawpakman rikushkushkatami riksichirka.
Ximena Peña apukka, llakta ayllukunapak mintalana tawka wasikunaman chayarka, shinallatak “Ecuador llakta ayllukuna, Apya Yala llaktakunapash kasiklla kawsanapak purinapi” karka, puchukaypika “Llaktayukkunawan chimpapura rikurishkamanta napayta” chayachirka.
“Llankashkanchik, kushiyayta rakishkanchikmi, Apya Yala llaktamanta wawkishina, ñañashinami makipuranapak yuyarishkanchik; shunkumantami ñukata katik Hernán Astudillo apuk runa kayachishkamanta yupaychani, Ecuador llaktapushakuna llankakushkamanta, Ñukanchik Hatun Llakta wiñakushkamantapash kushiyani” nishpami puchukarka.
