Kay Estados Unidos y Canadá llaktakunapak saywa llakta ukupi, Ximena Peña kamachiy killkak, achka runakunantin “Justicia por el Ecuador” shutiwan Banco Mundial en Washington DC wasipak kanchapi tantanakushpa kaparirka.
Kay kaparipika chay llaktapi kawsak runakuna, ayllullaktapak pushakkuna, allpapachapi riksishka runakuna kaparirkakuna, paykunamanta shukka, Rigoberta Menchú warmimi kaparishpa yanaparka. Kay warmi kamachiy killkaktaka Ministerio de Relaciones Exteriores y Movilidad Humana kamachikmi kayarka, tukuy aylllullaktakuna chaypi kachun kayachishpa, tukuy runakunaman willayta chayachishpa llankarka, willana hillaykunapi willashpa, pushakkunawan tantarishpa llankarka.
Chay kaparikunawan Chevron Ecuador llaktapak Antisuyupi 20 watata mana allita llankashpa llakichishkamanta, runakunata wakllichishkamanta shina kaparishpa paktakayta mañarka, kay llakikunaka 2 hunu tupu allpapi chawa punkarata hichashpami llakichirka, kay kaparika tawka runakunapak shunkutami kuyuchirka.
“Hatun kamachikkuna chayashpa kamachiywan rikuykunapika mapayashka ukuman kuchakuna, suniman kuchakuna taririrka, kaykunatami Chevron-Texaco sakirka. Kay ayllullaktapi kawsak runakuna wanayta churarka, wañushkakunamanta, kunankama alli kawsayta wakllichishkamanta wakarkakuna,… Ñukanchik Eacuador llaktamanta kari warmi runakuna, tukuy allpapachamanta ashalla hatun charikkuna ushayta, shimita charichun mana sakinachun kanchik. Charikkunaka sumaykay, awkikay, sinchi, makanakuk llaktata yallishpa ushayta charikmi rikurin” nishpa hatunwillayta uyachirka.
JC-kichwa
