“Purik yakunata, allpa ukupi tiyak yakuta ukllanami kanchik, kamachiytapash mushukyachinami kan. Yakuka may mutsurik shuk tiyakmi kan, chaymanta tukuykuna paktapakta rakina kanchik, kamachiy killkak Miguel Carvajal shina nirka, payka Soberanía y Desarrollo del Sector Agropecuario y Pesquero minkshka tantarita pushakmi kan, Manabí markapi tukuylla tantaripimi shina rimarka, chayka Recursos Hídricos, Usos y Aprovechamiento del Agua kamachiy hawa tapunkapami karka.
Pichka tantarimanta, chusku tantarikunami kaypika karka, paykunata alli shamushka kapay nishka kipami rinanakuyta kallarirka, paykunaka: Federación de Asociaciones Campesinas y Montubias de Manabí, Simón Bolívar; Federación de Comunas de Manabí; Unión Provincial de Organizaciones Campesinas de Manabí, Upocam, Rocafuerte; y Federación de Organizaciones Campesinas de la Zona Norte, San Vicente tantarikunami karka. Tapuyta kallarinkapaka Miguel Carvajal kay tantariman shamukpak shutikunata rikurka.
Kipamanka 281 ayllullaktakuna rikuchishkatami tapuy kallaripika llikarkanchik nirka, Manabí markapi yalli mutsurishkata churashpami rimarkakuna, kay rimankuykunawan tiksirishpami kipaman markapi tukuylla rimanakuyman kayashun nirka.
Pay rimayta tukuchishpami Soberanía Alimentaria tantarita pushakka, shukniki tapuypi rimashkakunata willashpa rikuchichun pachata kurka, chayka pichka hatun yuyaykunami karka, chaywanmi markakunapi tukuylla rimanakuypak alli karka. Chayka: ñawpa yachamushka hawa, waka kuskakuna hawa, ñawpa makinchishka hawa; yakuta hapina, kamana hawa; kikinpak hayñikuna, kawsaypak kamachiy hawa; kamachikpak ukukunapi runakuna kana, rikurina mutsurikta rimarkakuna.
Manabi markapak tukuylla rimanakuypika: Miguel Carvajal kamachiy killakak Soberanía Alimentaria tantarita pushak, Nelson Serrano, Marcia Arregui, Ramiro Vela, Ricardo Zambrano y Montgómery Sánchez kay tantaripi rimayta charikkuna; María Luisa Moreno y Carlos Bergmann Manabí markamanta rikurikkunami rimanakuyta pusharka.
EG/jc-kichwa
