Kay Derechos Colectivos, Comunitarios y la Interculturalidad Minkarishkata pushak Zobeida Gudiño apukka, kay shamuk 19 puncha kuski killami Consejos Nacionales para la Igualdad tantanakuyta wiñachik kamachiyta chuski niki rimanakuypi ayllukunaman riksichishun nirkami.
Kay tantanakuyka Zamora Chinchipe marka pushana wasi ukupimi 14:30 pacha chishi paktanka, kay wasika José Luis Tamayo y Diego de Vaca kuskapimi sakirin.
Apukka, kay rimanakuypika kamachiywan wiñachishka tantanakuykuna imalla yanapay paktanapak charishkatami riksichinka, nirkapashmi, kayshina willaykunawanka ayllukunamanmi kay pichka tantanakuy wiñarishkawan hayñikunata paktachinata riksichinkakuna; Wiñarishka tantanakuykunaka kaykunami kan Género, Intergeneracional, Pueblos y Nacionalidades, Discapacidades shinallatak Movilidad Humana, tukuykunami ayllukunapak hayñita paktachinapi yanapankakuna.
Minkarishkata pushak apukka, kay kamachiyka mushuk tantanakuykuna wiñarishkatami riksichin, nirkami “Ayllukuna pakta chayana llaktata wiñachiypi yanapan”. Paypak yuyaypika “Llaktayukmanta shamushka ushaytami wiñachinka ninmi” shinalltak “llaktapi wankurikuna pushaymanta rakiriymi tiyan” nirkami.
Warmi apukka, kay kamachiyka ayllukunapura chikanyachiytami harkan, shinallatak llakta sinchiyayta yanapan, tawkapura llaktapi kawsanapatapash sinchiyachin, nirkami.
Kay rimanakuymanka tukuy ayllukunatami kayachishkanchik nirkami, chaymantami Zamora Chinchipe markapi kawsak tukuy ayllukunata, tantanakuykunatapash kayachirka.
JLVN/eg
