Chilla, 26 puncha, pawkar killa, 2014 watapi, 12:00 saylla, Kullki Wiñariy Minakshka ukupi, kay Mamallakta Tantanakuyman tantarishkakuna, Xavier Fernando Abad amawtata chaskinka, payka zirmamantami achkata yachan. Orgánica del Servicio Público de Energía Eléctrica kamachiy hawa rikuchinka.
Mamallakta Pushak yuyarishpa kachashkata rikuchinka, llaktayukkunaman zirma ushay tiyachun, shuktak, Mamallaktapi shuklla chanimaru tiyachun churanka.
Kmachiyta katishpa, 63 nikipi nishkashinaka, Mamallaktami ayllullaktakunapi zirma wiñariykuna mirarichun kallaripi purinchinka, kullkitapash kunka, zirma rakina kuskamanta yalli karuman kachanka. Watapak mutsurishka chanikunataka Ministerio de Electricidad y Energía Renovable mashkanata charin, payka Ministerio de Finanzas kamaywasimanta kullkita mashkanka.
Kay llankaytaka Presupuesto General del Estado kullkiwanmi ruranka, shinapash tukuyllapak, shukpaklla kullkiwanmi llankanka. Shinallatak kay llaktamanta, istallaktamanta kullkiwanpash llankanka, shuktak kamachiypi nishkawanpash llankanka. Ministerio de Electricidad llankakwasimi kay kullkikunataka kamanka, sapan watapi kallari kimsa killapika pakllakunaman zirmata kachanka, ashalla wiñariyshka ayllullaktakunata mashkashpa churanka.
Shinallatak, 86 nikipika kaspikunata shayachinkapa, llikakunata churankapa, ankunata sirichinkapa allpata hapinamanta riman, chaymantami kunanllatak zirma llankaywasikunaka kay llankaykuna wiñariychun allpata hapina hayñitami charin.
Suktakmanta rimashpaka, kanchis pakalla llankak zirma llankakwasikuna, tukuyllapak zirma llankakwasikuna tukuchun churanka, chaykunaka: Eléctrica Quito, Centro Sur, Regional Sur, Azogues, Regional Norte Ambato, Cotopaxi y Riobamba llankakwasikunami kan.
Ministerio de Electricidad y Energía Renovable kamaywasiman rurana kipikunata sinchiyachishpa kachashka kipa, kay llankaywasikunaka mana kullkita hapishpalla anchurinka, kipaka tukuyllapak llankakwasikunami tukunka, shinami: Disposición Transitoria kamachiypak chunka shuknikipi shina nin.
JLVN/am/jc-kichwa
