Kay Decenio Nacional de Afrodescendientes 2015 watamanta, 2025 watakama Naciones Unidas kayashka; yana llaktata pushak, Alodia Borja kay Comisión de Derechos Colectivos, Comunitarios y de Interculturalidad Zobeída Gudiño kamachiy killkakta mañarka, Agustín Delgado kamachiy killka katintin tukushpami kimsa ñalla paktana llankaywan katikillata rurachun mañarka.
Kay katikillaka Mamallakta yana runakunata riksichunmi kanka, yanakuna hayñiwan kushilla kawsachun, kamayta charichun, paktapakta kachun mañanka; paktakayman yaykurichun; yana runakuna wiñariyta, yachayta, charichunmi katikillaka llankanka.
Paymanta, Zobeída Gudiño kamachiy killkak, payka Derechos Colectivos Minkashta pushakmi kan, kay sumak llankayta charirayarka. Shinami Ecuador llaktapak Mamakamachiy llaktakunata, runa llaktakunata, yana runakunata riksin.
Shinapash, llankayman yaykurichun mañashpa katin, Mamallaktata yanapashpa arinichun, yachayman paktachun, ruraypi kachun, Sumak Kawsay Yuyayta charichun arinirka.
Paymanta, Agustín Delgado kamachiy killkak kawsay llapita anchuchinka kallari tatkimi kan nirka, tsiknita, istatsiknita yachayman yaykurichun anchuchina, kaykunallatak piñan, kutishukta manyapí churan. Wanachina ranti, kay llaktapi kawsaypura kawsay tiyakta hamutachun mañana kan, tukuykuna pakta pakta kawsayta charinkapa llankakuchik.
SM/pv/jc-kichwa
