Kaya puncha, chay Comisión de los Derechos de los Trabajadores tantari, ishkaykutin rimanakuyta charinka. Chay 15:00 sayllamanta Tukuylla Llankaywasipi llankakkuna katinamanta rimanka, shinallatak15:30 sayllamanta chay industria hidrocarburífera llankaywasipi llankakkunapak ukun alli kachun rimanka, chayka Esmeraldas markapak saywapi, Sucumbíos marka saywapi kakta rikunka, chaypak tupukuna churashkatapash riksichinka, shina llankaykunata kamanka.
Kay kamayta allichinarayku ñawpakman katin. Kaya, 16 puncha tutamanta Kay Desarrollo Económico minkashka Aviación Civil allichinata kallarin, 09:00 sayllata kallarinka, shuktak Aviación Civil y al Código Aeronáutico kamachiyta allichinatapash kallarinka.
Hatun yanchawasiman yaykurichun mushuk kamachiy ñankunata mashkanka, alli yachayta kunka, sumak mitachita kunka, yachakukkuna runakunwan kimirishpa yachanka. Yachakkuna llankana hawa Mamallakta Tantanakuypi kamachiy killkakkuna atinakunka.
Kay 12 punchapi Mamallakta Tantanakuy chusku kamachiyta arinirka, kay kamachiykunaka murukunata pukuchichun, mutsurishka pachakunapi pukuchik runakunata wallpachun yanapanka, shinami Mamallakta Tantanakuypak katikilla ñanta paktachinka.
Kay Comisión de los Trabajadores tantaripi, Eliseo Azuero kamachiy killkak, chay Defensa de los Derechos de los Trabajadores Sujetos al Régimen Establecido en el Mandato 8 kamachiyta riksichirka, chay yapa chapak, kamak, mikuy, willar, achikyachik llankaykunata achiklla sakichun mañarka, shina kaypi llankak runakunata rikunkapa nirka.
Kunanpi kak kamachiy killkakkuna, 116 apuchiwan, Para la Planificación Integral de la Circunscripción Territorial Especial Amazónica Hatun Kamachiyta arinirka, kay kamachiyka, llankana ñanta rurana, llaktakunata nikina yuyayta paktanatami charin, runakuna kawsashpa katichun, pachamamapak hayñita, pachamama llikata, tawkasami kawsayta sumaychachun kan, chayka: runakunata, kullkita, kawsaytarpuyta, pachamamata, llaktayta kamachun llankaypak uchilla kamachiykunata ruranka.
Kay pukllaypi makanakuyta churakta ancha huchata shina wanachina, chaypak ranti kasilla kawsayta mirachina, chaytami Para Prevenir y Sancionar la Violencia en el Deporte kamachiyka mashkan, kaya kamachiyka Comisión del Derecho a la Salud tantaripi rimarichun yaykurin.
“Ñunachikka chanita hapikllami kanchik, ista katunami tarpushka murukunapak chanita churan”, shinami Rubén Flores hatun kamachik, chay Comisión de Fiscalización y Control Político tantaripi rimarka, kay tantarita María José Carrión pushan, Mamallaktapi llaru tarpukunaman shina willairka, tarpuypi tukuchishka kulkita llarupak chanika mana tikrachin.
Shinami Lenín Moreno, Mamallakta Pushak allichishkata Circunscripción Territorial Especial Amazónica kamachiyta kaya 10, kulka puncha. Aymuray killapi arininka, chayka 15:45 sayllamanta rimanakuy kallarinka.
Mamallakta Tantanakuypak yuyayriwan Día Internacional de la Cruz Roja puncha kashkamanta, Media Luna Roja puncha kashkamanta kay Cruz Roja Ecuatoriana kamaywasiman shuk napayta kamarirka, paykuna ayllullaktaman kutsiklla sinchi llankayta, munaywan mitachita runakunaman yanapashpa chayachin.
