Kay Desarrollo Económico minkashka, Esteban Albornoz kamachiy killkak pushashka, Para la Reestructuración de Deudas kamachiyta kallari atinakuyta charinkapa allichirin, kay kamachiywanka chinkarikuk Banco Nacional de Fomento kullkiwasiwan manuta charikkunami yanparinka.
“Ñuka fiscal kamachik kashkamanta mañashkata rikuchinkapa, kallaripika llaktayukshina, kay 11 killata llankashkata ukllankapa shamuni”, Carlos Baca Mancheno, fiscal General hatun kamachik rimarka, shinami paypak awllita mana paktachishkamanta Mamallakta Tantanakuypi wanachi kallarikpi, mitsarinata kallarishpa rimarka.
Kay Comisión de los Derechos de los Trabajadores tantariman yaykurishka kamachy killkakkunamanta 11 kamachy killkak apuchita kurka, shinami Seguridad Social kamachiy allichirichun yanaparka, kay kamachiyka Lenín Moreno, Mamallakta Pushak kachashkami karka, Seguro Campesino paya runakunaman 65 dólar kullkimanta, 100 dólar kullkiman wichiyarka, chayta arinishpa kamachiy killkakkuna kushilla sakirirka. Kayka pakllapi kawsak runakuna, chalwakkuna mañashkami kan.
Kay Gobiernos Autónomos Minkashka Mamallakta Tantanakuy churashka katikillata paktachinaka. Kay katikilla ukupillatak karwa killakama Mamallakta mutsushka wakin kamachiykunata arininka, Código de la Producción, kamachiyta, Solidaridad kamachiyta arininka, llakta manyakuti llankaykuna wiñarichun yanapanka.
Kunan tutamanta, Elizabeth Cabezas, Mamallakta Tantanakuyta pushak, pay killkana ukupi Ecuador llaktapi llankak, Hitoshi NODA, Japón istkamachikta chaskirka. Kay rimanakuyka napankapalla karka, Mamallakta Tantanakuypak pushakta, paypak llankayta pushakushkamanta kushiyachinkapa karka. “Kay Ecuador llaktawan achkata kimirinakushpa llankakuchik nirka, yapa makita kushpa llankashun, Istakamachik rimarka.
Mamallakta tantarichun, arinishpa llankachun munakpi, Mamallakta Tantanakuyta pushak Elizabeth Cabezas, Consejo de Administración Legislativa (CAL) tantarita pushakkuna, llaktay tantarita pushakkuna, Comisiones Permanentes pushakkuna rimanakuyta charirka, kaypi llankana katikillata rurankapa shuk yuyaytalla charirka.
“Chincha Saywapi makanakuykuna rikurishkamanta hatun llakipi kawsakunchik nirka. Chaymanta mana kunan llaki rikurishka pachalla tantarishka kana kanchik, unipak tantarishka katina kanchik, kamachiywan kasilla tiyachun llankana kanchik nirka. Shinami chayka punchanta katina kanchik. Kay yuyaritaka yallik hunkapimi ña arinirka, chay llakimanta tukuykunami nanarinchik”, Plaza rimarka.
Kayna tutamanta, Elizabeth Cabezas, Mamallakta Tantanakuyta pushak, Unidad Educativa Santa Marianita de Jesús yachana wasipak watapaktay raymipi karka, chayka Riobamba kitipi, Chimborazo markapimi sakirin.
Mamallakta Tantanakuypak 510 yupay tantaripi rimanakunaka chusku yuyaykunami kan, kay rimanakuyman Elizabeth Cabezas Guerrero, hatun pushak kayarka, kaya 24 puncha, ayriwa, 11:00 sayllata kallarinka.
Kunan tutamanta, Elizabeth Cabezas, Mamallakta Tantanakuyta pushak, Unidad Educativa Santa Marianita de Jesús yachana wasipak watapaktay raymipi karka, chayka Riobamba kitipi, Chimborazo markapimi sakirin.
