Kayna 5 puncha, ayriwa killapi 2018 watapi, Elizabeth Cabezas Guerrero, Latacunga llaktapi Mamallakta Tantanakuyta pushak Hatun Kamachikkunapak tantaripi karka, tantariman Lenín Moreno Garcés, Mamallakta pushak kayashka chayarka.
Kay Consejo de Administración Legislativa (CAL) tantari kullki illay tuputa tukuykuna arinin, kaytaka Mamallakta Tantanakuypak ukupillami paktachinka, Mamallakta wakchayakukta rikushpa tupukunataka churan.
Shinami Comisión de Fiscalización y Control Político tantaripi, chay Fiscal Subrogante, Thania Moreno kamachik, Fiscal General del Estado, Carlos Baca Mancheno kamachikta llaktay wanachita rurankapa paypak rimayta churarka, paytaka minkashka llankayta mana paktachishkamantami shina huchachin.
Mamallakta Tantanakuypak Acuerdo de la Coalición Legislativa por la Transparencia Fiscal llaktay tantariman yaykurishka 13 kamachiy killkakkuna arinishpa shutita aspin, kay yuyaritaka Corporación Participación Ciudadana tantari, Corporación de Estudios para el Desarrollo tantari, chaypak Departamento de Estado de los Estados Unidos kamaywasi yanapan, chay shuti aspipika Ecuador llaktamanta, Mamallakta Tantanakuyta pushak Elizabeth Cabezas, shuk hatun unanchami kan nirka.
Allpapachamanta kamachiy killkakpak ista tantaripi rimaykunaka kullkimanta, llankay illaymanta, kamaymanta, hatun huchamanta rimanami kan, kay yuyaykunami kullasuyu llaktakunapak mutsuyka kan, Ecuador llaktamanta chusku kamachiy killkakkuna chaypi kan.
Kunan tutamanta, Young Keun Lee, Ecuador llaktapi llankak Corea del Sur llakyamanta ista kamachik Mamallakta Tantanakuy pushakta napankapa shamurka. Paypak yuyayka, chay Chung SyeKyun kamachikpak, Parlamento de Corea del Sur Hatun Tantanakuypak shutipi, mama Elizabeth Cabezas, kamachikman shuk napay pankata charichinkapami shamurka.
Kay Comisión de Fiscalización y Control Político tantari, kunan puncha 11h00 sayllata tantarirka, chaypimi Carlos Baca Mancheno kamachikpak llaki hawa wanayta mañak kamachiy killkakkuna imashina llaki rikurishkata willakpi riksirka, pay imashina llankanata mana paktachishkata riksirka.
Mamallakta Tantanakuyta pushak, Elizabeth Cabezas, chay Consejo Nacional de la Judicatura (CNJ), Gustabo Jalkh kamachikta chaskirka. Kay kishpiychikta pushak kamachik Mamallakta Tantanakuypak katikillapi kimsa kamachiyta allichinata mañarka, chayka: wawata charishkamanta mikunata kuna, procedimieto abreviado kamachiyta, shuktak kamachiyta alichina nirka.
Mamallakta Tantanakuyta pushak, chay PAIS – kimirishka tantariwan, Unidad por el Cambio tantariwan, Integración Nacional tantariwan, bloques del Partido Socialcristiano tantariwan, Suma tantariwan, llaktayukkunapak hayñita yanapankapa, paykunaman willayta alli chayachishpa, chimpapurashpa mana pantashpalla punchanta willashpa llankan.
Chay Azuay llaktapak, Paute kitimanta, Unidad Educativa 26 de Febrero, yachana wasimanta, 160 yachakukkuna Mamallakta Tantanakuyman chayamurka, kay kamachiy killkay wiñaykawsayta, llankayta riksirka.
