Shina llaktakuna arininkapa makipi charin, kayka shayarishka llakta ushaymi Consejo de Participación Ciudadana y Control Social kamachiyta allichinkapa sinchiyachin. Shinami Ecuador llaktamanta runakuna kay wata hatun tapuypi arinirka, chaymanta 98 apuchiwan arinishpa kamachiyta mushukyachinata usharka.
Kay anchurik kamachiyka, charishkaunata katushkamanta 75% patsakri churashka kullkita kunami karka, kaymi kayna anchurirka. Mamallakta pushak chay Kamukipupi killkarichun kacharka, chay pachamanta Plusvalía kamachiy anchurirka, shinami 4 puncha, panchi killapi arinishkata paktachirka.
Kay Comisión de Biodiversidad Mamallakta kamaywasikunapak, Archipiélago llaktapak kamachikkunata kayan, paykunami Régimen Especial de Galápagos kamachiy alli killkarichun mushuk yuyaykunata churanka, kay yuyaykunaka Brenda Flor, kamachiy killkak churashkami kan, shinallatak Archipiélago purik runata rikuk kamachik, kullkita yaykuchik, tukuylla llaktay kamachik, kullki yaykuchik kamachik, akllashka llaktay kamachik shamunka, tukuylla llaktay kamachikpash shamunami kan.
Kay El Grupo Parlamentario del Deporte, pukllayta Sebastián Palacios pushan, shinami kiti ayllullakta pukllaywan kimirishka kakpi, “Marketing Deportivo” pukllayta kunan 21 puncha, 15:30 sayllata, rimanakunka, chayka Salón José Mejía Lequerica ukupi pusharinka, kay tantaripika imashina pukllayta katunamanta, imashina wallpa kakta rimanka.
Chay 27 puncha, tutamanta, kulla killa, 2018 watapi, Comando Provincial de Policía wasipi shuk antawapi rumpa ayñi tukyarka, chayka San Lorenzo llaktapimi sakirin. Chay tukyaymanta 28 runakuna chukririrka, 100 runakuna karpakunapi puñunkapa anchurirka, chay llakimanta 37 wasikuna wakllirishka sakirirka. Kimsapuncha kipa, hatun kamachikkuna tantarishka kipa, 17 puncha, panchi killapi, shuktak llakta chimpapura sayllamanta waktashkata tikrachirka. Shinallatak, 19 puncha, panchi killa, El Pan kuskapi ishkaykutin aywan waktarka, chaypi ishkay awkakuna anchata chukririrka, ayllukunapash achkata llakirirka
Shinami Comisión de Fiscalización y Control Político pushak, María José Carrión, llaktay tantariman yaykurishka kamachiy killkakkuna 61 apuchiwan chay fiscal general del Estado Carlos Baca Mancheno kamachikta llaktay wanachiyta rurachun arinirka, kipaman kay (CAL) tantari imashina wanachinata rikunka, kipaman Comisión de Fiscalización tantariman kachanka, paykuna ñawpakman pushanka.
Mama Elízabeth Cabezas, Mamallakta Tantanakuyta pushak Mamallakta wasipak awkakuna rantinchikuy pacha Carondelet wasipi karka, Mamallakta pushak Lenín Moreno chayman kayarka. Hatun wasi patamanta tantarikunata, kiti ayllullaktakunaman shamuk pushakkunata naparka, chayka Quito kitipak, Plaza Grande kuskapimi sakirin, shinami Mamallakta pushakta yanapayta rikuchirka.
Shinami Mamallakta Tantanakuy pushak Elizabeth Cabezas Guerrero kayashka, chilla, 21 puncha, pawkar killa chay CPCCS kamaywasiman kunakkuna yaykurichun imashina akllanata rikunka, 10h00 sayllata atinakuy kallarinka, chaypimi Consejo de Participación Ciudadana y Control Social (Cpccs) kamachiyta ishkaykutin atinakunka, shinami 4 puncha, panchi killa, 2018 watapi llaktakuna arinishkata paktachinka.
Kay “kay Día de las Personas con Síndrome de Down punchata yuyarinata munanchik, trisomía 21 unkuyta charik kari, warmi wawakuna yachayman, kawsaytarpuyman, yaykurichun ñakarinchik”, shinami María José Carrión, kamachiy killkak rimarka, chay wawakunata yanapanarayku kaya wacha puncha purina kashkamanta kari warmi runakunata kayanchik, 09h00 sayllata kallarinka, shinami Concha Acústica kuskapi, Villaflora ayllullaktapi, Quito uranikpi shina rimarka.
Minkashka kamachikkunata rantinchinata shamuk hunkapi rimanakuna Elízabeth Cabezas, Mamallakta Tantanakuyta pushak rimarka. Kay rimaytaka kamachiy kilkak samarina pacha pawkar killa, 26 puncha kallarinamanta rikushpami shina willarka. Mayhan kamachiy killkakkuna yaykurinata rikukunchik, shamuk hunka kallari puncha Mamallakta Tantanakuypi atinakuna kanka nirka.
