Tawka tantarikuna, Ministerio de Salud kamachikkuna, kamachiy killkak Norma Vallejo ishkayniki kayashkaman chayamurka, chaypi kay Código Penal kamachiy mana alli llankashkata rikuchirka, chaymanta mushuk Allikawsay kamachiy hampikkunapak, unkukkunapak hayñikunata yanapanka, shinallatak llankana akllashka pachakunata sumaychachun mañarka.
Kay Comisión de Fiscalización tantari Superintendente de Comunicación, Carlos Ochoa kamachikta chayachinka, kamachikka paypak hayñiwan shayarinka, sinchiyanka. Pay imatalla llankashkata Fiscalización y Control Político Minkashkapi rikuchinka, shinami Función Legislativa Hatun kamachiypak 81 nikipi willan nirka. Chay tantarika kay killapi, chaska, 23 puncha, 10:00 sayllata tantarinka, chayka Salón de los Expresidentes ukupi rimanankuy pusharinka.
Kunan chishi 18:00 sayllamanta Comisión Ocasional para el Trámite de las Leyes de Aplicación a la Consulta tantari, 4 puncha, panchi killapi llaktakuna 3 niki, 6 niki tapuykunata arinishka hawa llankanka, ñami kimsakutin rimanakuyta charirka. Kallaripi shamuk hunkakunapi imatalla rurana iñukunata akllarka, kipaman llaktakunapi rimanakuyta charinkapa rimarka, shinapash manarak mayhan markakunapi rimanata manarak rikunchu.
Tukuykuna yuyarishpa kay Consejo de Administración Legislativa (CAL) tantari, llaktay tantarita pushakkuna, chay Consejo de Participación Ciudadana Transitorio kamachiktaka chilla, 28 puncha, panchi killapi shutichinka.
Ecuador llaktapak Mamallakta Tantanakuy llaktakuna kachashkata paktachinkapa shuk killata charin nirka, kayka may mutsurikmi kan nirka. Manarak 16 puncha, pawkar killa chayakpimi llaktakuna 4 puncha, panchi killapi arinishkata shuktakyachina kan mirka, chaypak Comisión Ocasional tantarita wiñachishka kan, shina takarik kamachiy killkakun, Mamallakta pushak, Lenín Moreno kachashkata paktachishpa nirka, kay paktaytaka correístas kamachiy killkakwan, morenistas kamachiy killkakwan Alianza PAIS llaktay tantari ukupi rakirishka kipami kay paktaykuna rikurishka, Hatun kamachikkuna ishkantin manyawan llankanami urman nirka. Kay llakitami Mamallakta Tantanakuyta pushak José Serrano, riksichirk
Pakllapi kawsak runakunaka Mamallakatpi sinchita llankashpa kawsayta charik runakunami kan, chaymantami paykunaka maytsurik kan, paykunata achakata Seguro Social Campesino (SSC) kamaywasita sinchiyachina kan, kay yuyayta kamachiy killkakkuna ashtawan mirachishpa katin rimarka, shinami Seguridad Social kamachiyta arinishpa, 65 kullkimanta 100 dólar kullkikaman wichiyachina nirka.
Kay Comisión de Biodiversidad Pushak, Johanna Cedeño, kaya punchapak shuk tantariman kayarka, chaymanta kamachy killakkuna 08:00 sayllamanta rimanakuy kallarinka, chaypimi Circunscripción Territorial Especial Amazónica kamachiyta atinakunka.
Kay Alianza PAIS (AP) llaktay tantari llaktakuna 4 puncha, panchi killa Consejo de Participación Ciudadana kamachikta akllanka hawa pushanka, arinishkata utka llankashpa paktachinkapa kamachiyta kutsiklla killkashpa arininka. Kay tantariman Pichincha markamanta llaktay pushakmi kayarka, paykunaka utkashpa rantinchichunmi mañarka.
Mamallakta Pushak, Lenín Moreno, kay Mallakta Tantanakuyman, chay Consejo de Participación Ciudadana y Control Social kamachiyta allichichun kacharka, shinami 4 puncha, panchi killa, hatun tapuypi 3 nikita allichinka, shinami Consejo de Participación Ciudadana kamachikta akllanka hawa pushanka, kamachikkunata llaktakuna akllanka.
Willana hillaypi Revolución Ciudadana tantari, chay Juan Lloret, Pabel Muñoz, Bairon Valle kamachy killkakkuna llankayta mirachinkapa, wakchayta anchuchinkapa kullkita kuyuchishpa, kapukyaykunata tankashpa llankachun rimarka, kaytaka pakta runakunapi mana kamay tiyakta allichishpa pushanka.
