Kay Comisión de Régimen Económico tantari Hidrocarburos kamachiyta riksinata kallarirka, kay kamachiytaka Esmeraldas markamanta kan, payka chay Esmeraldas markamanta, Santa Elena markamanta kikinllatak kamachikkuna, punkaramanta shuktak kapukkunatapash rurachun mañarka, kay llankaymanta Mamallakta asha kullkita hapichun mañarka.
Kay 84 apuchikuna ariniwan, shuk mananiwan, 36 shuyawan, chay: César Litardo, Daniel Mendoza, Elizabeth Cabezas, Montgómery Sánchez, Roberto Gómez, Ximena Peña, Fernando Burbano, Encarnación Duchi, Vicente Taiano, Guillermo Celi kamachiy killkakuna kay tariman yaykurirka, paykunami kay Consejo de Participación Ciudadana kamaywasita allichina, shinllatak Plusvalía kamachiyta allichinka.
Chusku apuchinawan, shuk shuyaywan (CAL) tantari kunan puncha Hatun tapuyta tikrachinkapa mikashka sakirichun arinirka, shinami Comisión Especial Ocasional tantari sakirinka, paykuna 3 niki, 6 niki tapuykunata rikunka, shinami José Serrano, Mamallakta Tantanakuyta pushak riksichirka. Paykuna 45 punchata ishkayniki tapuy hawa llankanka charinka. Shinallatak Lenín Moreno Mamallakta pushak kanchis runakunapak shutita churanka, paykuna ashalla pachapak llankanka, 2019 watakama llankaypi kanka.
Shinami Comisión de Biodiversidad tantarika kaya 15 puncha, panchi killapi rimanakuyta charinka, 08:00 sayllata kallarinka, chaypimi Circunscripción Territorial Especial Amazónica kamachiyta ishkaykutin rimanakuyta pushashun allichinaka, shinami Johanna Cedeño minkashkata pushak rimarka.
Kay Seguridad Social kamachiyta Mamallakta Tantanakuy 497 yupay tantaripi kallari rimanakuyta charinka, chayka kaya,15 puncha atinakunka, 9h00 sayllata kallarinka, chayman José Serrano Salgado Mamamallakta Tantanakuyta pushak kamachiy killkakkunata kayarka.
Kay Mamallakta Tantanakuy kulka puncha Hatun tapuypi rikurishkata kamachiykunawan pushachun ashalla killapak minkashkakunata tiyachinka, paykuna mushuk kamachiykunata rurashpa llaktayukkuna sarun inti puncha arinishkata llaktakunaman tikrachinka.
Mamallakta Tantanakuyta pushak José Serrano, chay Corte Interamericana de Derechos Humanos llaktayukkuna, paykunapak hayñiwan 4 puncha, panchi killapi Hatun Tapuypi arinishkata rikschishkata tukuykuman willarka, kay tapuykunaka Mamakamachiymanta mana kanchaman kan, shina llankaykuna katinka nirka.
Kay Corte Interamericana de Derechos Humanos tantari, chay Convención Americana sobre Derechos Humanos kamachiypak 63.2 nikita hapishpa, uchilla kamachiypak 27 nikita, 31 nikita hapishpa hatun tapuyta anchuchinkapa mana nirka, shinami chusku apuchika arinirka, ishkay apuchika mana nirka, shinami Comisión Interamericana de Derechos Humanos tantari mañashkata mana chaskirka.
Tayta José Serrano Salgado, Mamallakta Tantanakuyta pushak, Lenín Moreno Mamallakta Pushak kayashka, paypakman chayarka, shinami 4 puncha Hatun Tapuypi runakuna arinishkata yanapanka. Mamallakta Tantanakuyta pushak, Mamallaktapak shuktak Hatun kamachikkunawan “llaktakuna paykunapak shunkumanta arinishka achiklla kan, munashka kan”, nishpa riksichirka.
Mamallaktapak Warmikunaka: warmi wawakunata, imillakunata, pakta runakunata, yuyak warmikunata, shuktak runakunatapash llakichishka kakpi Para Prevenir y Erradicar la Violencia contra las Mujeres kamachiywan harkanka, kay kamachiytaka Mamallakta Tantanakuymi arinishpa Kamukipuman Killkarichun kachashka, kunanka ñami llankakun.
